最近收到新產品，佢個名叫「魚鱻森虱目魚精」嘩! 呢個名都未識讀，究竟係乜東東?! 原來係一碗魚湯，但笨唔係一碗簡單嘅魚湯。
首先「魚鱻森」的『鱻』，原來個係讀(音：鮮)。
起初我諗都係類似雞精嗰類補身產品冇咩點理，不過見個盒都幾靚靚仔仔，攪到我再睇下Details
原來佢係一盒加熱即飲的魚湯精華，佢哋用咗虱目魚去熬製，由魚苗開始飼養，經過 15 個月生態養殖，完全淨化虱目魚。
而且由撈捕、加工至到運送過程，全程都係以低溫保持最新鮮狀態，所以新鮮無腥味，又唔駛調味，可以保持原汁原味，啖啖鮮甜。
佢仲有另外一個名叫牛奶魚，因為佢魚身呈銀白色，而且又同牛奶一樣高鈣、高蛋白質，所以先有呢個別名！
精美盒裝內再有三盒裝，而每盒裡面就有5包虱目魚精
先唔好講咁多，話咗俾大家聽虱目魚精係原來已雪至冰塊，一定要放入雪櫃冰格，免得你一邊睇但仲未放入去雪(冰箱建議標準冷藏溫度為-18度。)
我諗大家都想知佢有咩咁駕勢！老實講，錢我先唔講，究竟點解我要飲佢先。
佢同魚湯有咩分別?
📍 最大分別就係唔駛自己又煮魚又煲咁麻煩啦! 
📍 另外魚湯係金黃色，零膽固醇，零脂肪(而魚湯要煎過，多是奶白色，多油多脂肪)
📍 天然無腥無添加
📍 營養全溶入精華中(魚湯部份營養多還留在魚中，未能完全溶入湯中)點樣飲用呢？有三個方法
1) 不剪開包裝袋，將原包放入煲嘅水，再煮滾(即係好似我相中咁整)
2) 不剪開包裝袋，將原包放入杯內，然後加入滾水去浸 5-6分鐘
3) 剪開包裝，拎出虱目魚精冰塊放入碗中，用蒸或微波爐加熱（隔水蒸亦可）
其實都真係幾方便，你睇我一煮滾就可以拎出嚟倒入杯飲
一包份量唔算多，如果鍾意飲可以加多兩包一碗咁飲
其實虱目魚精都適合大人細路飲(在文章尾會寫上官方介紹內容)
我話俾芊芊聽係魚湯，佢見到杯湯之後就問點解唔係白色？同埋問點解冇魚嘅？
不過佢都先飲一啖試下(嗰陣時我自己都未試飲)
飲完之後佢冇扁咀，咁即係表示最低限度碗湯小朋友都接受到啦！
然後再到哥哥試一試
見到妹妹飲過，自己試完之後都話「好味，同魚湯真係一樣味」
小朋友形容得唔太夠詳細，之後我同媽咪都一齊試下...
首先湯未到口，聞到真係堅冇鯹味。另外我哋見慣魚湯係奶白色，而呢個係金黃色就感覺有少少唔同，不過入到口真係同魚湯一樣味，只係帶點回甘味。
加上零膽固醇，零脂肪，其實真係幾健康，最啱我呢D中年發腹嘅老爸
可能你最後都會話鍾意煲番傳統魚湯，不過又唔駛咁快下定論
Photo by CANON 5D Mark IV, Len | EF 24-70mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
魚鱻森虱目魚精（香港）Mr Fish Milkfish Essence
虱目魚精營養豐富，蘊含人體所需的 18 項水解胺基酸、DHA、EPA、高鈣、高蛋白質，豐富維他命及礦物質，無添加物，新鮮無腥味。適合備孕、產前產後、坐月、兒童、成人，一家大小飲用！
特別注意事頂
產品保存期為九個月，期間必須冷藏。虱目魚精冰塊加熱後不該再次冷凍雪藏，因反覆加熱會造成營養成分流失及口感變差。建議新鮮趁熱飲用更好！
適合大人小孩飲用；包括備孕、孕婦、坐月、小孩、上班族、銀髮族、手術前後、體質欠佳及一般調理身體人士等。
產後媽媽適合飲用虱目魚精： ．自然分娩，通常媽媽於 2 至 3 天後乳汁分泌開始增加（俗稱上奶），此時開始飲用高蛋白及高鈣的虱目魚精，能補充營養及有助上奶； ．剖腹分娩，因有傷口和腹內壓突然減輕，腹肌較為鬆弛，腸道蠕動緩慢，增加便秘機會，所以飲食需加以注意，因此建議 7 天後飲用。（如媽媽身體正常排氣開始吃東西，則可以飲用）
虱目魚精可讓初乳中的乳鐵蛋白、生長因子等營養，提高至三成到近兩倍，有助上奶。
服用藥物期間，不太建議飲用；建議在痊癒後飲用，效果更佳。虱目魚精分子細小，易於吸收，能補充患病時流失的營養。
各人所需不同： ． 6 個月或以下嬰兒：因尚未食用副食品，所以不建議飲用； ．3 歲以下：建議將虱目魚精加入食物（粉麵、粥、蒸蛋），讓小朋友一起食用； ．3 至 6 歲：可直接飲用，建議每次不超過半包（30ml），一日不超過 1 包（60ml）； ．備孕調養身子：建議早上空腹飲用 2 包； ．孕婦、坐月：建議早上空腹飲用 3 至 4 包，或早上和傍晚空腹飲用各 2 包； ．上班族、銀髮族、一般調理身體人士：建議早上空腹飲用 1 包，或隔日 1 包； ．手術前後、體質欠佳：建議早上空腹飲用 1 至 2 包，或早上和傍晚空腹各 1 包（如特別病患者，請先諮詢醫生意見)
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : www.kimfamilytravel.com
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。