【親子好去處】鳳德公園

齊天大聖孫悟空，故事由細聽到大。但係原來香港有個以西遊記為主題的公園，1995年就已經落成，無錯...係1995年，但係今日先就啱時間有機會到此一遊。

一個舊公園，卻係至今仍充滿特色，仲有好多朋友未知道佢嘅存在。公園總共有三邊入口，(龍翔道、鳳德道及盈鳳里) 我哋從鳳德道入口進入公園。

公園周圍都會見到好多以「西遊記」背景為設計的建築，仲劃分咗五個主題區，包括「花果山」、「水簾洞」、「水晶宮」、「火焰山」和「五指山」。

為公園內通道寬闊易行，唔好以為係好老牌公園，一定悶到暈。仲設有康樂園地、休憩設施，以及亭台樓閣等。

最先見到的就係孫悟空被壓着的「五指山」。

雖然似五個大煙囪多過五隻手指，哈哈~

儘管我支鏡超Wide，最多還只係可以影到4隻手指。

我哋由上至下咁行，沿着「五指山」前面的路一直行，就會是大涼亭及洗手間。

經過會見到「水簾洞」瀑布頂的美景。

沿洗手間旁邊樓梯落去，就會見到「花果山」及「水簾洞」

「花果山」兩邊的壁畫，盡量「西遊記」的故事情節，可以跟小朋友一邊欣賞一邊講解「西遊記」的故事。

其實兩個都聽過「西遊記」的故事，前排好似連續劇一樣，每晚都要講幾個小段先肯瞓。

所以呀哥呀芊知道今日會到「西遊記」主題公園，就帶埋屋企隻馬騮公仔去。

要進入「水簾洞」，超強大的瀑布聲好震撼。

兩個不斷出出入入跑來跑去，

感覺好刺激。

「水簾洞」的另一邊

睇睇五大主題，仲有邊幾多未去先...

沿住寛闊樓梯行落去，俾佢哋見到有遊樂場...就一支箭跑過去，叫都叫唔住。

在「水晶宮」前有超美的龍吐珠圖案地磚。

「水晶宮」內一個大噴泉，仲有支金剛捧放在中央。

故事應講述大打東海龍王...咪住先，打海龍王的不是哪吒嗎？媽啊！連我自己都亂了，不懂還是不要多說。

深入噴泉背後，原來有幅宏偉的石壁畫，記載着悟空勇闖水晶宮的一幕，大戰蝦兵蟹將及海龍王。

最後來到主題區的最後一區「火焰山」，唯獨欠了一把芭蕉扇。

這個公園咁多景點，真係打咭勝地。

這個溶岩位置不准內進，當然有好多人都唔聽話走哂入去，不過我又覺得其實可以開放呀。

最後俾小朋友喺度玩一玩，

放一放電，

才離開到黃大仙中心搵嘢食。

細心的媽咪就睇見原來公園內的設施都有着「西遊記」的味道。

睇唔睇得出呢個紅色滑梯，其實係模彷溶岩流出？

公園分別適2-5歲及5-12歲兩邊設施。

兩個玩到天都黑埋唔捨得走。

Photo by CANON 5D Mark IV, Len | EF 16-35mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 一個老少咸宜的公園，又富有教育意義。其實公園加少少特色，就已經非常吸引，極希望政府能引入更多不同富有特色的遊樂設施，等家可以有更多免費選擇。

鳳德公園 簡介

位於黃大仙鳳德道的鳳德公園，是一個耗資 4,900 萬港元，於 1995 年建成的主題公園，佔地共 1.1 公頃。鳳德公園是一個以中國神話《西遊記》作為藍本的公園，共分 5 個主題區：孫悟空出生的地方－－「水簾洞」、孫悟空被困的於佛祖的「五指山」、「鐵扇公主」的居住地－－「火焰山」、孫悟空大鬧海神的居所－－「水晶宮」和孫悟空的家鄉「花果山」，其中「花果山」外面的水簾設計，更令你恍如走進神話情節之中，感覺頗為有趣。

地點

地址九龍黃大仙鳳德道 42 號

開放時間
0630 - 2300

前往方法
港鐵站黃大仙 E 出口沿沙田坳道，往盈鳳里前進，接著走鳳德道至蒲崗村道。需時：約 6 分鐘

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。