終於等到今日啦，超期待的「Citi七人足球賽 HKFC Citi Soccer Sevens」，今次可以入場同埋帶住專頁粉絲一齊玩。
一向都好鍾意參加呢種球類年度 盛事，好似哥爾夫球賽，欖球賽及今次的七人足球賽。
因為好似今次咁，有個「賽事村」裡面有好多嘢食好多嘢玩。
其實嚟到先發覺，原來今次係我人生第一次入場睇現場足球賽事。
一入場就有一個打咭位，因為今日實在太熱，我都只能約到一個家庭粉絲陪我一齊影相，其他朋友仔都因為太曬暫時去咗避暑。
有專人用大機為大家拍照，仲有即場Print番俾大家，真係快過人哋結婚擺酒。
在入場旁邊就已經係小食區，我哋先喺度醫醫肚，食個鮮果杯抖一抖。
真係未出發先曬暈，你睇佢哋兩個紅都面哂。
我哋急不及待走入去「賽事村」玩。
做吓代言人就少不免。
指定時間內按著咗燈的板將足球踢埋去鬥高分。
笨手笨腳的哥哥都踢得幾好喎！有廿幾分，係最高紀錄的一半，哈哈～
芊芊就唔想鬥高分(因為佢好怕失敗，有排教！)，就走咗去玩充氣障礙賽。
仲有VR玩！
哥哥大戰性感美女，同佢對戰乒乓波，真係玩得叻過D大哥哥。
最期待的節目就係Face Painting，哥哥、芊芊知這道有得畫面，就一早諗定咗畫咩。
化妝師Sharon幫佢哋兩個化咗個靚靚Look！
佢哋都揀咗自己最鍾意的動物來化妝。
嘩！呢個係邊位？係咪變型俠醫，哈哈哈～
大家又知唔知我係咩造型。
之後我哋去咗欣賞賽事，原來現場睇真係好唔同㗎！
入咗波嗰陣全場尖叫，連哥哥同芊芊都初次感受超興奮。
最後番去再食少少嘢，我哋就番去「賽事村」裡面再玩！
裡面有個很大的球場，同埋有足球俾大家隨便踢隨便玩，我同佢哋留喺度再踢多陣，就離開啦！
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 從來都很喜歡參加這等球類賽事的嘉年華，除了有Face Painting外，又有很多遊戲玩，加上可以飲飲食食，喝着大啤看足球賽事，真係樂透...只不過是今天有35度，很熱喔！
地址
香港跑馬地體育路3號
(已完結)
(已完結)
電話
2830 9500
網址
http://www.hksoccersevens.com
http://www.hksoccersevens.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。