多謝新閱會邀請，今日來到Sky100享受咗一個精緻下午茶。因為由新鴻基地產成立的新閱會，今年踏入五周年啦！「品味喜閱時光」限定下午茶就是其中一個慶祝活動。
平時在街上或家裏都會望見遠遠的ICC，不過就從來都未踏足過這100層高樓。
我們搭港鐵到九龍港鐵站，沿D出口步行。
即向西隧出口(E)方向行，向機場快線櫃枱行，就會見到D出口的長扶手電梯。
指示都好清楚，所以唔難搵。
扶手電梯上到去會見到水區，有一餐廳及詢問處，然後向左轉。
指示牌方向於金、土、火區，Sky100就在金區。
沿路經過很多餐廳食肆，繼續向前行就會見到一大個寛敞玻璃天幕廣場。
再沿扶手電梯上去。
兩旁盡是名店。
遠處看見有扶手電梯，但無需上去，Sky100入口就在扶手電梯左邊。
我覺得門口好似戲院。
不過很攪笑，售票處要往下走一層到L1。
其實上網購票都可以，不過有些時侯會因為天氣關係或宴會等，關閉部份或全層觀景台。
反正不會很多人，乾脆去到現場才買就可以。
大家要留意天際100常有網上購票優惠，所以來之前一定要留意最新消息。
買好票後就回到上一層準備入場。
不過大家要留意，3時後可是觀景黃金時間會很多人。
旅客可以順便壓番一個錢幣做個紀念。
亦設有Locker可以儲放行李，可以搭扶手電梯番上去入口處。
憑飛入場後，會穿過一段「回憶長廊」，設有立體投射展覽。
再走入呢條「時光隧道」，全長6米記錄咗香港的發展及轉變。
兩邊設有 LED 燈飾及水墨畫視頻短片。
搭Lift上去前，仲會經過呢個拍攝區，配上不同背景，做遊客指定動作。
影完拎張咭仔可以上到Sky100選擇購買相片。
鏡頭處有好多個箭咀，真係怕D人唔知，哈~
電梯會有專人為你安排按好。
本以為搭Lift係透明可以望出去外面風景，原來係封閉式的，不過好條時光隧道，只需整整1分鐘不多不少就到達100層。
一走出來就先看見精品店及拍照區，可以購買頭先的遊客相。
剛才拍合成照後，就會獲發這張符有QR code的咭，可在這裏交給職員，然後看看照片拍得如何，再以全套或單張購買。
兩個瞬間走到玻璃窗去望風景。
居高臨下真係好正！不過呢個時侯真係好熱，呢日好似錄得36度!!!!
有海拔393米高的觀景台，感覺像坐在飛機上望下來。
對於兩個小朋友來講，真的有好多嘢睇！甚至連雲層都幾乎跟自己水平一樣高。
懶惰爸爸今日冇帶閃燈，所以咁曬之下就影到大家面黑黑。
大家可以到問職員借反光板，可以避免拍到玻璃窗中的自己的倒影。
小朋友們都可以在這製作紀念幣、蓋圖章及扭蛋。
東翼這邊關閉了，因為這天正好有人在這擺設婚宴。
原來天際100有個好貼心的服務，就係如果當日遇上壞天氣或很差的能見度，未能看到香港島的國際金融中心及香港會議展覽中心的話，
可即時到訪客服務中心向工作人員反映，安排於指定期間內免費再來。
介紹了這麼久，終於來到這天到此一遊的目的，就係到Café 100 by The Ritz-Carlton嘆茶。
餐牌都幾多選擇，不過我估遊客希望上到嚟可以嘆西多士同絲襪奶茶多D，咁先至夠香港特色嘛。
對住超級無敵大海景，嘆住茶真係爽到極。
個Tea Set未到，我哋都忍唔住再周圍打咭。
今次我哋就係嚟品嚐呢個「品味喜閱時光」限定下午茶，High Tea嘆還嘆，其實更重要係可以助人為樂！點解...
因為部分收入將撥作慈善用途，為有需要的寄養家庭兒童購置圖書及相關物品。
超精緻的下午茶！最吸睛當然係哥哥同芊芊眼前的雪糕吧！
盛載着下午茶的書本附有QRcode連結到新閱會的閱讀平台，平台上有不同關於閱讀的文章（專題、好書推介、專欄、聽聽書），方便大家食tea時閱讀
我至愛就係嘆番杯Cappuccino
兩個等都等唔切，好心急咁起動！
每個限定下午茶都有一張隨下午茶附送的別注Postcard，係由應屆DSE考生黃紫薇(Winkie)創作，以貓頭鷹象徵閱讀的得著。
大家不妨寫低鼓勵閱讀的心意及祝福，由新閱會連同所購圖書等物品轉送予寄養家庭兒童，把喜「閱」傳送開去。
嘆完個下午茶我就再同哥哥芊芊過去西翼那邊玩玩。
原來 Sky100 也被列入世界十大最高的商廈！很厲害喔。
每天也會更新最佳的欣賞日落時間，這天是19:01，媽呀...咁夜先日落！
這邊「天際動感龔虛擬體驗區」只需$20就可玩一次，芊芊不敢玩，就等哥哥自己試玩下，玩AR他算係半個專家了，哈哈～
這邊有「天際100互動AR應用程式」，咁又可以玩一餐！
一開始未掌握到就擺了烏龍！
就這樣悠閒的享受了一個下午。
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 第一次來到Sky100當然開心，可以高居臨下望到咁靚維港景，但都不及可以支持閱讀，而且可以享用下午茶來做善事。
新閱會「喜閱五周年」品味喜閱時光 簡介
由新鴻基地產成立的新閱會今年12月就5歲嘞，所以特別推出「喜閱5周年」五大慶祝活動，由今年5月起，透過慈善限定下午茶、海外旅遊贊助、社區探索、短片分享和親子互動，讓閱讀氣氛在2018年不斷升溫！
地址
Café 100 by The Ritz-Carlton, Hong Kong (天際100 內)
香港九龍柯士甸道西 1 號環球貿易廣場 100 樓
供應期
即日至2018.06.30，每天12:00至17:00 限量供應，售完即止
「品味喜閱時光」下午茶單價
HK$180 無需預訂
Sky100 門票類別
成人 $169（港幣188）
小童及長者（65 歲或以上）$115（港幣128）
3 歲以下幼兒免費
網上折扣：10%
Sky100 門票連「品味喜閱時光」下午茶套票價
HK$330
查詢
Café 100 餐飲上的查詢可致電2263 2356;
有關天際100的一般查詢可致電2613 3888
交通
港鐵九龍站D出口圓方金區
Facebook
https://www.facebook.com/shkpreadingclub/
https://www.facebook.com/shkpreadingclub/
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。