女仔真係幾大都貪靚，即使芊芊咁細個，都知道化妝係一件咩事，就係可以令自己變靚D，近期收到呢個咪露Mell Chan系列的「化妝咪露套裝」，芊芊一玩就愛上，佢話自己又多咗個BB。
咪露Mell Chan系列係好多小朋友的至愛洋娃娃系列，旗下有好多公仔配合不同妝扮及配件，芊芊手上的係「化妝咪露套裝」，只用溫度辨差技術就可以幫公仔化個靚妝。
收到禮物之後，芊芊真係笑到見牙唔見眼。
成日又朝到晚跟住哥哥話Avengers同Pikachiu，真係要搵D女仔玩具中和下！
整個套裝除咗米露自己，仲配備裙、頭飾、手袋、鏡、化妝盒、化妝用具及梳。
芊芊最鍾意就係幫公仔著衫打扮...(出街叫佢換衫又唔見佢咁自動自覺)
嚟到化妝環節，非常神奇的效果要出現啦！首先要準備15度以下的冰水，只要放幾粒冰然後加少少水就可以。
當心型調色盤遇冷就會變成紅色。
用化妝掃沾少少冰水。
分別搽上去公仔的面、咀唇、眼影及手腳甲上，就會呈現出顏色。
在公仔身上這幾個位置，它的物料就是遇冷就會變色，好似細個飲過的冷暖水杯(唔知係咪同一技術)，但估唔到呢個技術今天可用係公仔上。
然後芊芊再幫米露搽眼影及幫塊面搽胭脂。
米露頭髮咁亂，要幫佢梳一梳先得。
睇住呢張相就感受到米露當時應該大嗌「好痛呀！」平時芊芊俾我哋梳頭嗰陣都會話痛，自己幫公仔梳嗰陣咪又係咁。
幫佢扮靚靚後就好開心！
之後我同芊芊講，米露仲可以染髮喔...佢即刻碌大對眼。原來米露的頭髮遇上暖水，就會自動變粉紅色。
隻粉紅色真係好靚喔！
喂！喂！同佢洗洗下頭好似變咗浸佢個頭落水要浸死佢咁，哈哈~~
洗完頭又再幫佢梳好個髮型。
重覆玩了又玩，再幫米露補補妝。
今次胭脂位補得自然好多。
今日開始又要養多一個女...希望芊芊唔止識得照顧人，仲學識點照顧自己啦。
米露著咗對鞋仲可以企得好穩陣。
Photo by CANON 5D Mark IV, Len | EF 35mm f/1.6L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 從來都只係識得「芭X」原來仲有其他公仔系列好似米露咁好玩，而且加上呢個化妝效果，令整件事變得不一樣，增加咗互動性同新奇元素，更吸引小朋友，更好玩。
化妝咪露套裝
將冰水放入化妝調色盤，用化妝棉捧沾點調色盤上的冰水，即可替咪露塗上指甲油等，遇暖水即退妝。更配備咪露、裙子、頭飾、收納袋、鏡子、化妝盒、化妝用具及梳子。
*只有這款咪露公仔有此化妝效果
*只有這款咪露公仔有此化妝效果
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。