【親子好去處】皇家加勒比國際遊輪海洋航行者號 Royal Caribbean International Voyager of the Seas

呢日我哋一家人帶埋公公婆婆上皇家加勒比國際遊輪參觀，小朋友從來只有離遠望見呢首大郵輪，今次終於可以親身踏上呢首大郵輪「海洋航行者號」。

原本今次獲邀請可到郵輪參與到越南的行程，但因為芊芊容易暈浪，所有船上活動我哋一律參與唔到(當然大家都會同我講郵輪如履平地，完全唔會覺在海上，不過有事她是心理作用多，有時坐小艇一點事也沒有，有時坐渡海小輪就幾乎要嘔，一連6天這麼多還是不能冒險)。

我哋到郵輪碼頭隔住塊玻璃望住首「海洋航行者號」，得哥哥一個好失望咁話冇得上船...嗚
(其實唔係冇得上，只係冇得去6日5夜啫！)

真係有好多間房呀！望上去真的好厲害充滿氣勢喔！

一開始我哋就上到去13樓，到外面露天平台，呢度有籃球場同哥爾夫球練習場。

仲有攀石牆喔！適合年青人去玩呀

睇住佢哋兩個笨手笨腳，一直追住個波嚟打。

咁靚嘅海景一定要影番張靚相啦！

哈哈哈~真係扮得好似

然後嚟到Adventure Centre參觀，有好多遊戲機呀，哥哥同芊芊一見到對眼都發哂光。

所以話玩(打機)係所有人嘅共通語言，一埋位唔駛教都已經識玩。

平台的另一邊原來有條跑道，真係上船的乘客可以渡住假都可以做運動。

望落去就有個靚靚泳池，如果可以即刻落去游個水就好囉！

真係成架船在那裏也可以打咭。

然後入到去個美容院，所有靚媽可以係呢度Gel下甲做下Facial。

靚媽有得放空，OP爸們更係要有個Gym做下keep住個身型，你知喺船度有幾多美食啦。

哥哥同呀芊真係見乜嘢都走去攪一攪，呢個唔係遊戲嚟架! 各位小朋友友千祈唔好學。

嚟到11樓就係食自助餐嘅地方。

就喺自助餐餐廳外面呢個「海洋航行者號」嘅模型堅靚，點可以唔喺度打打咭。

自助午餐款式都好多，不過味道就唔知點，希望下次有機會食啦。

吃、喝、玩、樂，似乎要講一講下「樂」，當然係各位靚媽最鍾意嘅Shopping樂。

呢個Shopping區特別華麗，感覺自己好似去咗外國咁！

呢度仲有好好的貴賓服務櫃枱。

入住時可以喺呢條街Shopping下，都真係幾爽。(因為爸爸們可以安心去玩)

船內另一重點係呢個大會堂，所有演唱會舞台表演大Show都係喺呢度進行。

跟住唔少得就梗係要介紹下賭場，當然唔鼓勵大家倒錢落海，我當係景點打咭架咋。

勁多部老虎機在場內。

整個場真係好有氣派，其實咁大個仔除咗喺澳門當捷徑行之外，都未真正入過賭場。

沿樓梯可以行番上去頭先的Shopping區。

參觀咗幾個主要景點後，我哋都肚餓啦...要去開餐啦！我哋去咗Sapphire dining room

呢度裝修真係華麗又高貴，行到入嚟都覺得自己去咗皇宮咁。

坐喺窗邊享受住午餐，睇見無敵大海景，真係無得頂。

只係呢幾件麵包我都已經覺得好好食，配上餐湯真係超配合。

另外全場大讚的這個牛肋排，以我非專業的愚見，應該係用慢煮法，牛肉唔單止咬落好「林」，肉質鮮甜而且仲好有彈性，所有肉汁都被封在肉裡頭。

其他美食都係一級水準，真係好耐未食過咁好味嘅西餐喔！

好多謝皇家加勒比國際遊輪，最後仲送小朋友咁多紀念品禮物。

Photo by Sony A7III FE 28mm F/2

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 雖然今次未有機會乘搭皇家加勒比國際遊輪的旅程，只係上船參觀及享受美食，不過讓芊芊感受到原來坐船可以這麼舒服，希望下年可以再次接受遊輪的邀請，航行到外地其他國家旅遊，體驗在船上的各種精采節目。

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。