近早幾個月親子福音相信係屯門公園新開的遊樂場，又嚟實地測試！果然不出我所料，周末假日如果唔係晨早起身落去玩，相信都只會得一個結果，就係「俾人逼屎」。
【屯門公園共融遊樂場】
地址：屯門屯門鄉事會路
其他場地開放時間 :
爬蟲館 每日上午九時至下午六時 (包括公眾假期)
模型船池 每日上午七時至下午十一時(包括公眾假期)
其他公園設施 二十四小時
入場 : 免費
電話：(852) 2451 1144 / (852) 2457 5939
相信唔駛多講大家都識得去屯門公園，只要西鐵出閘後落扶手電梯就輕易搵到公園入口，不過要去到這個新遊樂場，首先要穿過大媽歌舞區，先可以到達...
這裡可以話係香港首個以「水」和「沙」為設計的兒童遊樂場，整個遊樂場劃分七個遊玩主題區。
北面遊樂場以「荷花的寓意」為設計概念，分「光影荷花」、「山丘地帶」和「音樂感官」三個區域。
南面遊樂場的設計主題是「爬上爬樂」，包括「獵蛋樂園」、「爬蟲樂園」、「旋轉地帶」和「感官地帶」。
這個玩水的設施雖小，但已吸引很多小朋友來玩，就是這樣，玩的不外乎攪動水、潑水、看水流下來等，但係在家中媽媽一定唔俾玩，因為街外水唔駛錢，哈哈～
如果人少少，相信哥哥會放埋自己的玩具落水玩。
相信大家都一定會叫自己小朋友小心D玩唔好整濕衫褲，不過出得嚟玩預咗要濕，我早有預備多一套衫，慎防佢哋玩到成身濕哂會冷親！
希望將來唔會有大媽帶埋衫落嚟洗...(諗到都已經想屎)
逢週末假日相信都一定會好多人。
告示圖都設計得美美的。
這個設施相信一到夏天就肯定個個小朋友除哂衫玩濕身。
這邊都很貼心有個鞋架供應，俾小朋友可以除鞋放置這裏去玩。
在玩水區旁邊就係音樂感官，可以話係全個遊樂場最少人玩的地方，始終去得遊樂場都係來點動態吧！
不過都對某些較有好奇心的小朋友，對佢哋都有一定的興趣。
哥哥就每支管來敲，聽聽它們的音調。
哥哥還真的可以敲出一支曲，看來有點天份喔！
芊芊當然是亂敲一通。
當然她敲得開心就是最重要的。
的確沒有限制他們，自己看見甚麼就喜歡去試去體驗，這個是最好的。
這些小山丘都可以俾小朋友跑跑跳跳。
也有兩個小小彈床，不過又真的太小了。
根本多兩三個小朋友上去一起跳就很迫了，或者應該設置多幾個。
見到這個大型攀爬旋轉瀡滑梯，真係睇見咁多人就唔想玩，每個小朋友要排住隊一小步一小步向前，可能等上10分鐘先可以瀡一次。
若果不是晚上順路要在屯門吃飯，今天定必不會來迫，看來只有平日一至五來，先可以有足夠空間玩。
這條旋轉滑梯我略覺有點短，不過頭一段的確頗斜帶點速度感。
我們走過來這邊較少人。
來玩玩鐵滑梯倒更刺激，而且幾乎上去就可以即刻再瀡。
芊芊表示好快好好玩，上落不下數十次。
這邊都有個靚靚打卡點喎！
其實周遭設施都帶點特色，若天氣好有點陽光，照射下來應該也美。
遊樂場都設有幼兒攀爬區。
不過同樣是超多人。
多個旋轉遊玩設施，都是充滿着小朋友，不過其實大家如果有看過60's 70's時代的遊樂場，情況更甚，現在的已經是小兒科了！
韆鞦區更是重災區，哈哈～幾乎每款韆鞦的人龍要大概排一個小時才輪到自己OMG！我當然冇去排啦！
這個反而排一個即有得玩，因為會玩到人頭都暈。
最後終於到玩沙區。
幾乎想像不到點解會咁多人，幾乎每半個身位，就有一個小朋友！
家長都要睇緊少少，因為遇着BB仔好容易錯手將沙一潑在其他小朋友眼中。
這個沙池真的有各款大小不一的恐龍蛋喔！
還有一張沙池枱可以俾小朋友站著玩，扮考古學家掃恐龍化石。
天喔！這裏是沙灘嗎？
不過對小朋友來說，同樣是玩得很開心，這裡有地方供大家洗腳，也算貼心！
屯門公園兒童遊樂場於每星期一上午七時至下午一時暫停開放，以便進行場地保養工作。(如星期一為公眾假期，保養工作將順延至下一個工作天進行)
Photo by Sony A7III FE 16-35mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2呀劍評分: 10分
呀劍評語: 的確係一個好好玩的兒童遊樂場，對香港而言相信昰一個突破，不過政府永遠都追不上時代的變遷，到今天才能夠落成這一類的遊樂場，相信他們看見屯門公園的成功，將來會慢慢改善其他地區的兒童遊樂設施吧！
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。