近年香港多咗好多新興運動，再唔係獨孤一味得足球、籃球同羽毛球。呢日同哥哥呀芊去咗樂富玩其中一款...叫做「旋風球 Flyball」，真係剩係聽個名都已經夠威。
其實呢項新興運動我留意咗一段日子，只係一直未有機會接觸到，知道佢在樂富商場舉辦活動，就正正係機會去玩一下，費用全免喔！
旋風球源自於台灣，賴照勳教練研究球拍及球的設計，並編製出標準玩法及比賽規則使之成為運動項目。目前在台灣係好火的運動喔！
旋風球可以訓練到大家的手眼協調、集中力及反應力。
基本球拍Lite 有不同的顏色選擇，放埋一齊又幾靚喎！
球的大細同網球差唔多，不過好輕身，表面有好似「哈蜜瓜」的紋路，配合球拍上的軌道和軌道末端配置的一層軟膠，發出的球就可以高速地旋轉，可以輕易打出飄忽球。
首先我哋在練習場學一下基本功。
兩個互相拋接旋風球。
估唔到妹妹又打得幾好喎！
練習互相發球接球都差唔多，開始練下向目標發球。
哥哥來勢凶凶，不過有姿勢無實際，打咗上網發空球。
妹妹慢慢嚟反而有實際，擊中目標 Yeah！
最後妹妹勝出！好嘢！
當然在細細的練習場係唔夠佢哋玩啦！我哋跟住移步到外面場地。
教練跟小朋友開始練習發球。
唔好以為咁遠呀芊就發唔到球，估唔到佢一樣有板有眼，一下就將球發到去遠處的教練。
輪到哥哥，雖然佢姿勢真係露出好多破綻，不過還是可以將球發出去。
所以一般小朋友好容易就掌握到。
只係要再不斷練習。
兩個越玩就越投入。
而且越打越好！
好玩到成個彈起！
睇相真係冇咁清楚，大家記住文末要睇片呀！
最後玩到成身大汗，仲要唔捨得走，話要睇埋其他哥哥姐姐們比賽先肯走。
Photo by Sony A7III FE 16-35mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2(以上資料更新至文章當日)
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。