番工番學辛苦咗咁耐，雖然冇得去旅行散下心，但係來一個Staycation，今次到皇家太平洋酒店，過番個「食『享 』假期」，叉叉電又再嚟過！
今次我同芊芊先到酒店Check-in，我哋穿過九龍公園，行過天橋直達酒店，芊芊離遠望到皇家太平洋酒店，就「嘩」一聲，因為佢覺得好似幾條金磚咁靚。(其實我哋唔係第一次嚟啦...^.^)
平時來這裡吃喝玩樂就多，不過今次係我哋第一次入住。
食「享」假期每房由$700起，今次我哋升級入住「尊尚海景客房」，間房真係超大呀！(相中只係其中一邊，想睇清楚D要睇文末影片啦！)
有Capsule機提供，可以輕輕鬆鬆望住個海景嘆番杯Cappuccino！
浴室都超大，有浴缸同埋企缸，可以兩個人一次過沖涼唔駛爭，哈哈～
在寢室旁邊有個Seaview corner，可以坐喺度欣賞靚靚維港景。
一起身就可以望住個無敵大海景，真係成個人都舒服哂～
往下望酒店外仲有個平台花園(正是噴射飛航碼頭的天台上層)，大家飯前飯後或晨早都可以行出去散步做運動。
喺我執緊嘢嘅時侯，芊芊仲照住花園中的海豚裝置藝術畫咗張畫。
因着疫情所有航道都暫停，如果唔係就可以不時見到往澳門的船隻。
我哋成個下晝就係留咗喺房度，瞓吓休息，睇吓電視，嘆吓咖啡...哥哥妹妹就在房玩 伏匿匿(因為間房都好大)，等到6點我哋就準時落去食自助餐，真係「真真正正」的休息，我諗大家都最鍾意係咁～
在酒店大堂落一層，嚟到「柏景酒店」食自助晚餐，今期正推廣「日式爐端燒」，有好多燒烤食品。
個package係包自助午餐或自助晚餐，book雅尚客房嘅客人可以享用自助午餐，book超豪華客房/豪華海景客房嘅客人就享用自助晚餐。
一入門口就已經放滿好多甜品，真係想即刻成盤拎哂番去。
最靚係呢個櫻花造型和菓子，仲好好味喔～
仲有佢兩兄妹好最意食的芒果布甸。
好多好多款的小蛋糕，媽咪最鍾意食～
熟食冷盤都好吸引～
魚生刺身當然都有啦，我最鍾意係有埋鮮蝦刺身。
冰鎮龍蝦都有，我仲食咗好多隻。
全部都由㕑師哥哥們幫忙放上碟，避免食客有太多接觸。
可以開始食大餐啦～
今次主角出場啦，就係日式爐端燒，同樣有龍蝦(芝士焗)、長腳蟹。
有燒鯖魚同墨魚。
仲有各式各樣的蔬菜爐端燒。
我覺得燒冬菇、燒茄子同大葱，係超好食！
仲有紅酒繪牛尾，D肉超林又入味。
燒帶子最好味，我哋各自都食咗兩件以上。
清酒煮蜆都好夠味，食到芊芊笑咪咪。
我同媽咪就最鍾意個盅燉湯，真係落重料㗎！
最後當然唔少得係食 Movenpick 雪糕啦！
到咗第朝再來到柏景餐廳嘆個半自助美式早餐。
早餐不包括在「食『享』假期」內，需要另加每位$180
坐在窗口邊嘆早餐，真係成個人都即刻精神哂！
食飽飽後，我就同芊芊去附近散吓步，先落去酒店旁邊的平台花園行下，欣賞吓維港景。
一左一右可以望到 IFC 同埋 ICC。
其實呢個位影維港夜景可能仲靚，又唔駛同人逼。
之後同芊芊去咗九龍公園睇雀仔，只係由酒店步行5分鐘就到
一邊睇一邊嗌，見到好多平日少見的雀鳥。
連我都覺得好靚囉！忍唔住要影多幾張相。
今次 Staycation 不是在大時大節期門去，反而在平常 weekend 來，只在酒店休息及享用自助餐，實在係真真正正的休息假期，絕對係性價比極高的享受。
最後就睇吓呢條一刀不剪的環迴酒店房間一周的短片啦！
Photo & Video by Sony A7III FE 16-35mm F/2.8 + iPhone11 Pro
想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2
皇家太平洋酒店
皇家太平洋酒店坐擁維港景緻，毗連香港的商業與購物核心地段。除了醉人美景外，酒店的地利更為客人提供方便、舒適及連繫城中景點的無盡便利。座落於集時尚品牌於一身的廣東道，酒店位於中國客運碼頭上蓋，而連接內地的西九龍高鐵站、港鐵站及西九龍文化區亦近在咫尺。乘搭著名的天星小輪前往香港會議展覽中心僅需十八分鐘。
地址
訂房查詢
網址
香港九龍尖沙咀廣東道33號中港城
推廣期
即日起 至 30-06-2021
訂房查詢
+852 2738 2222
+852 2738 2215
網址
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。