一直都在默默耕耘的農場，放低教師職業全力投入農業的IT人，今天有機會到訪他的農場，親身體驗感受他的理念 - 「大欖隧道轉車站農場」
一聽見「農場」這個字，心裡往往都有一個觀念，就一定好偏遠，可能要從詳計議先可以一去。不過今日同一班小朋友去的農場，非常方便!
只要搭一程巴士，在大欖隧道轉車站旁邊，落車後步行8-10分鐘就到!
下圖係往元朗方向的落車位置，我哋搭68X，一落車沿着前面的樓梯一直行
見到行車路過對面行人路轉左行
一直向前行至見停車場
見到停車場轉右，就會見到這個涼亭，農場入口就在旁邊
農場負責人夫婦係基督徒，可能加上聖誕節就到，佢哋好有心思放置咗D雪人及其他佈置喺入口附近
穿過入口轉左，跟住木板小路(路軌)行到有蓋活動場地
一入到農場就會有兩隻狗狗歡迎你，白色叫「肥妹」，黑色就叫「Coffee」，佢哋都好乖，絕對唔駛驚
農場只有負責人Aaron(佢叫自己花名做「丫嬛」^.^)，佢太太Lydia(佢叫自己做「奴隸」^.^)，同埋Aaron的媽媽(我哋都係叫嫲嫲)打理整個農場
農場沒有華麗佈置，沒有充氣彈床設施，沒有兒童電動車，也沒有付費買飼料等活動，一切都很Raw，真真實實的農家莊
我哋放低行裝，到處走走呼吸新鮮空氣! 每次來到農場都真心覺得好舒服，可以慢慢享受整日活動
呢個就係廚房位置，盥洗盆嘅水都係來自山水，一直唔駛開水喉自然流出
這個位置有張長長嘅木製枱，可以俾一陣間的活動用
農場只有一個洗手間，但係全個農場只係得我哋一班朋友仔，所以都唔會唔夠用，而且洗手間都好乾淨!
可惜今日天氣不似如期，如果唔係周圍的植物應該都會更靚! (不過感謝神全程都冇唔落雨已經非常好)
見到呢頂穿咗個窿嘅農夫帽，就表達到農夫工作的辛酸(突然好感性 ^.^)
第一個活動要開始喇! 就係DIY自製Pizza
其實所有活動安排都可以事先跟負責人商量，冇既定的開始時間，也沒有結束時間，一切都很隨意，非常舒服!
好少參加些活動由原林料開始，往往都係先預備好整個麵糰，然後小朋友只可以參與少少。
但係我哋今次卻可以由搓粉糰開始，原來都唔係咁難整
哥哥都好專心跟住一個一個步驟咁做
見到呢個樣，以為佢哋實攪唔掂，打算要出手幫佢哋兩個，點知佢哋(包括其他小朋友)都可以好順利咁搓出麵糰喎
越搓就越似樣，真係一個軟熟的大麵糰完成咗!
搓好之後就要等麵糰發酵，我哋用保鮮紙好好咁封實佢
寫埋自己個大名，咁就唔會撈亂大家搓出嚟的麵糰啦 (雖然最後大家都係開心Share食)
然後到廚房洗洗手! 見住個個小朋友去洗手都輪輪盡盡，然後俾自己媽咪鬧，特別係男仔，一係冇摺衫袖，一係就彈到自己個身濕哂，但係見到呢個場面又覺得好得意好開心
正等緊麵糰發酵，「奴隸」姨姨就同我哋開始另一個活動啦，就係織草蜢!
呢個活動係哥哥特別要求! 因為佢實在太鍾意做手工同藝術嘢，不過難為了其他家長，因為其實織草蜢都唔容易，甚至我都學到一頭煙
先揀條靚靚嘅葉，唔太粗唔太幼就最好!
所以大人一定要從旁協助，有D小朋友冇咩耐性都走咗去同狗狗玩
不過各位爹哋媽咪都好利害，完全難唔到佢哋! 大家都話要過時過節去擺檔賣
呀妹就當然唔識整啦，不過佢亂咁嚟都自得其樂，最緊要係過程開心，結果唔重要! (因為最後一定每人會有一隻完成品....哈哈~)
哥哥最後都大功告成! 完成兩隻草蜢仔，俾埋妹妹! 真係好靚呀
跟住到「嫲嫲」出手，帶我哋到農田掹蘿蔔，小朋友聽「拔蘿蔔」的故事就多，可以親手摘出嚟感覺更真更開心
呀芊都掹咗一條紅蘿蔔出嚟，兩兄妹掹唔停手...(佢哋都唔知道掹咗出嚟係要買)
不過「嫲嫲」當然唔會叫我哋要哂啦，唔會好似一般收費農場屈你要哂! 最後我哋都係要少少，只不過係$20蚊多D
呢款蘿蔔外面紅卜卜，原來裡面蘿蔔芯係白色，番去煲湯煮餸一流!
然後仲俾哥哥發現有隻小甲蟲喺蘿蔔葉上面，超興奮叫所有小朋友過嚟睇! 我乘機又可以扮專家講解一下點解甲蟲身上有這個花紋 (應該係要嚇走敵人，除非唔係)
鏡頭一轉又番嚟繼續整Pizza，頭先的麵糰已經發咗酵，變大舊咗好多! 然後就要拎出嚟搓餅底
兩兄妹各自搓自己的餅底
不得不佩服媽咪的創意，佢同呀芊做咗個車車造型的餅底
然後要在餅底上篤好多小孔
開始落配料嘅時侯! 除咗人什果、火腿、辣肉腸、粟米、芝士，仲有海鮮配料!
睇住佢哋親手去製作自己的Pizza真係好開心!
小朋友落配料落到滿一滿，都已經見唔到餅底，呢塊第一次親手做嘅Pizza真係出面都食唔到
唔知呢架車車造型焗完出嚟會變成點呢?
「丫嬛」叔叔帶我哋到外面的磚爐，準備要將Pizza放入磚爐焗製，真係好有風味!
所有爸爸們都合力蓋上頂蓋
小朋友都好心急睇吓幾時有得食!
「丫嬛」叔叔吩咐小朋友到柴房去執柴，然後放入爐裡面
然後用燒着的竹支放入爐做火種，燒着剛才放入去的乾柴枝
呢個動作有少少危險性，當然搵小朋友中的大哥哥去負責
小朋友都幫手睇火!
想知道焗完出嚟嘅Pizza食唔食得，就要睇下一Part的文啦
Photo by CANON 5D Mark IV, Len | EF 24-70mm f/2.8L USM
呀劍評分: 10分
呀劍評語: 農場非常簡樸自然，首次自製Pizza仲要係磚窯焗，超有風味! 仲可以手織草蜢，小朋友又食又拎好開心! 農場主人十分親切，有機會一定要再去玩。記住睇埋下集介紹...
《大欖隧道轉車站農場》
「他到了那裡，看見神所賜的恩就歡喜，勸勉眾人，立定心志，恆久靠主。」使徒行傳11:23
「魚菜共生」不可以用農藥，藥霧噴在空氣中，會走到魚池去，魚就會在半個小時內死亡，這是一個比有機耕種更高技巧的農耕法。從事教育事業18年的IT人，在資助學校、私立大學、國際學校工作多年，明白道德比錢重要，所以在2014年全職投入農業，為本地農民提供技術，推廣「安全菜」，有機種植，魚菜共生。
聯絡電話
9776 4971 Aaron
泊車
免費停車場我們有26格私家車停車位若果滿了，可以在附近私人停車場，步行五分鐘回來
網址
http://www.hqproduct.org/
「魚菜共生」不可以用農藥，藥霧噴在空氣中，會走到魚池去，魚就會在半個小時內死亡，這是一個比有機耕種更高技巧的農耕法。從事教育事業18年的IT人，在資助學校、私立大學、國際學校工作多年，明白道德比錢重要，所以在2014年全職投入農業，為本地農民提供技術，推廣「安全菜」，有機種植，魚菜共生。
聯絡電話
9776 4971 Aaron
泊車
免費停車場我們有26格私家車停車位若果滿了，可以在附近私人停車場，步行五分鐘回來
網址
http://www.hqproduct.org/
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : www.kimfamilytravel.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。