【親子好去處】天水圍濕地公園

濕地公園算係我哋去過最多次既地方, 因為離我們家不遠, 去又方便! 所以假日一唔知去邊我哋就會考慮嚟呢度! 今日我哋嚟咗濕地公園, 都唔記得係第幾次嚟lu! 首先要講咗上面呢張相係喺濕地公園大魚缸前面影, 因為食蕉會過嚟同你講呢度唔準坐, 所以你如果想係度影既話就要快快手手!

呢一段遊記係集合2次濕地公園既記錄,

所以你見到Hysan好似去濕哋公園玩玩吓換咗衫又大個咗!

講到要去濕地公園你一定諗住搭輕鐵去到濕地公園站落係最好,

其實你搭706線早一個站天秀站落車, 係最方便! 只要穿過一個行人隧道就到!

我哋去到門口的大草地玩咗一陣先, 睇到個水池度有2隻青蛙曳曳!

我哋買咗M記係度食埋先入去玩! 小朋友就繼續去睇2隻青蛙曳曳!

入到場內首先有厠所,精品店個D嘢啦, 跟住右手邊入口就開始睇吓假動物,蛇,鱷魚等動物

唔駛15分鐘其實都行完,跟住條路上到1樓,就有D小朋友話既動物配對板,印章及有陣時有D班,工作坊等!

再行過去就好科學館有D機俾你睇吓動物及濕地知識

之後落番地下,就可以去到室外有個兒童遊樂場(要按時段排隊)同埋睇貝貝,

跟住就行出去就係一望無際既大濕地睇雀仔咁!

不過行出去如果你行得太遠就預咗行番嚟好攰!

番到去可以去大家樂食番隻燒春雞嘆吓既!(不過得2個阿姐係度執嘢,

我諗你就算等到位,你要等好耐先有人幫你清張枱)阿姐都同我講佢因為住係隔離先至係度做咋...

Photo by CANON 5D Mark III, Len | EF 35mm f/1.4L USM

呀劍評分: 7分

呀劍評語: 其實呢D地方就好似海洋公園, 山頂咁, 好唔好都要去吓, 怕辛苦就去濕地, 唔怕辛苦就去米埔, 咁大家都明個分別喇, 咁呢度對新界朋友嚟講又易去又唔太多人! 所以我都嚟過幾次, 如果住港島九龍就真係方便先嚟, 唔駛急住嚟! 如果同米埔相比, 我鍾意米埔多D

呀劍貼士:
1/ 記住搭706線天秀站落車
2/ 可以帶定麵包俾小朋友肚餓食
3/ 如果行出去觀鳥區及濕地之前, 記住同小朋友去咗厠所先

濕地公園簡介

提供香港濕地公園的生態旅遊及加強市民對濕地生態系統認識的資料。講完

地址

香港新界天水圍濕地公園路香港濕地公園

網址
www.wetlandpark.gov.hk

電話
3152 2666

交通

港鐵西鐵天水圍站轉輕鐵. 輕鐵路線706天水圍循環線，於天秀站下車

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。