【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

「起躍體育訓練中心」唔係由一個普通識打幾下籃球嘅人創辦(好似我咁)，而係由小學學界經驗豐富的籃球教練黎文朗先生(RAYMOND SIR) 創辦。

目的都係為咗幫助更多小朋友從小認識籃球這項運動，享受樂趣及嘗試各樣挑戰，建立小朋友良好的體育精神與品格。

其實有好多家長會用心栽培小朋友，帶佢哋去學東學西，琴棋書畫，樣樣皆精，其實咁多樣嘢，應該點樣揀適合的俾小朋友去學呢？

我唔會帶小朋友試幾十萬樣嘢去搵佢自己鍾意，因為本尊能力有限(錢都係有限)，所以隨緣去接觸不同的活動，有時侯經學校接觸到，有D時侯出去玩時接觸到。

我自己揀興趣班的首要條件都係佢哋自己要鍾意，芊芊就學咗一年多籃球，哥哥就學琴同埋學跳繩，最近老師俾佢接觸到手球，所以有時間又學多樣。

RAYMOND SIR 先教佢哋球感同步法，先同個波做好朋友～

RAYMOND SIR 真係落足心機去教小朋友，因為當小朋友練習過程中，佢係不斷聽到佢把聲，一直鼓勵同讚賞佢哋，等佢哋有更大信心去做下一個動作。

當然都係親自做示範啦～

然後就開始教佢哋運球技巧，哥哥本身冇練開，所以技術唔及呀芊好，哈哈～

RAYMOND SIR 教小朋友由淺入深，之後拎出繩梯，要小朋友跟住每一格去拍波，訓練佢哋控球能力。

練完運球，就要練吓步法，其實除咗進攻，防守都一樣重要，所以如果腳唔夠靈活，就好容易俾人越過。

呀芊真係有板有眼喎～

跟住落嚟玩呢個遊戲又幾好玩喎，就係每人都要帶住個波，然後鬥快做到教練提出的要求，要求係要用手掂到指定的號碼

完全訓練到手腳協調的能力。

最後都係呀妹勝出～太厲害啦！

唔好以為傳波好容易，其實要傳到遠波，都好講技巧。

練左咁耐基本功，終於可以練習射波同埋走籃

見到都係妹妹的英姿...因為哥哥姿勢真係麻麻，哈哈～(無謂獻醜)

其實呀芊佢在籃球上的確增加咗佢唔少信心，而且仲見到佢真係對一件事好熱衷同埋堅持，所以一定會鼓勵佢繼續落去。

玩咗超開心的一個課堂，RAYMOND SIR真係由開始到完，都不停用盡力去教，小朋友得到的不單是球技的進步，更是信心的增強。

Photo & Video by Sony A7III FE 16-35mm F/2.8 & iPhone11 Pro

想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2

Dunk Sports Training Centre 起躍體育訓練中心

網頁：

http://dunksports.com.hk

Facebook

dunk.sports.hk

Instagram

dunk.sports.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。