平時睇電視食花生就多，估唔到今日第一次去玩Ninja Warrior係咁好玩～
今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
其實大家撳去英文台，有陣時都會睇過呢類節目，就係一班大隻佬，喺度比賽對決，要考體能爬過好多唔同的障礙，每個機關都好巨型，唔係人人都可以輕易過得到。
原來呢項活動在外國都已經普及到去小朋友呢個年齡層，好多小朋友都已經有玩，甚至去到專業水平。我同芊芊都算係初哥，今日嚟到見到各種機關，都已經大開眼界，真係未開始先興奮。
首先教練同芊芊及一眾參加小朋友做個熱身，每人手上拎住支棍，雙手握住棍再向後反到背面，當我一見到芊芊做到，我即刻怪獸家長上身，幾驚佢會扭親對手。
但之後發現原來小朋友筋骨真係柔軟度好高，其實好多次都係我哋做家長低估咗自己小朋友嘅能力，成日用自己把尺去量度佢哋，其實可能佢哋可以做到嘅嘢比你想像中更高。
之後教練就開始逐個逐個機關陪小朋友去做，每一項都係可以鍛鍊到臂力、肌耐力及身體協調。
教練會因應各人程度作出調整，所以初學者唔駛擔心！
其實呢項活動特別適合跳跳紮嘅小朋友，不過當然要配合教練的悉心指導去玩先安全。
我最欣賞的係教練嗰種真摯同熱誠，真係好希望將呢項運動可以更普及化，帶進小朋友的世界，因為 Ninja Warrior 不單只可以鍛鍊體能，其實都係一項可以訓練到個人意志同耐力的運動。
可以俾小朋友學習做任何事都唔好咁輕易放棄，做一件事要嘗試堅持到底。
芊芊雖然最後在計時賽有好幾個項目都完成唔到，最後仲流咗一滴眼淚，因為佢在同其他小朋友比較之下，覺得自己做唔到好唔開心，其實其他小朋友都比佢大，同埋都已經唔係第一次嚟玩，所以叻過佢都係好正常不過嘅事。
但係見到佢咁認真，同埋真係願意做，做到真係頂唔住先至放手，其實真係好叻女！
我真心鼓勵大家都可以帶小朋友去嘗試一下，俾佢哋挑戰一下自己，對大人同小朋友都係一個新的體驗。
Photo & Video by iPhone11 Pro
想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2
Sasuke Fitness
Facebook
SasukeFitness
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。