【親子好去處】暑假必到 Pixar 彼思動畫的科學秘密 @科學館HKSCM

上次去完 Pixar Fest，今次又來一個 Pixar #彼思動畫的科學秘密，點可以錯過呀，真係今個暑假必到的好去處。

平日都只係$30，星期三仲$10㖭呀！如果你係全日制學生～$5蚊咋！！！！！

正所謂「未出發先興奮」，我哋就「未入場先打卡」～

因為在場外已經有好多彼思角色任你打卡。

佢仲好細心咁安排每個角色都有1.5米距離，哈哈哈～應該係可以俾大家可以同自己喜愛的角色私打！

沿扶手電梯落到去就係今次展覽區入口，通過長長走廊，就先去到一個小影院區，睇吓今次主辦的介紹。

今次展覽最重要的唔係只係睇，而係仲有得玩，展覽將整個三維製作過程，簡單地呈現俾小朋友知道，等佢哋對三維電影製作有基本概念的認識。

每個展區都設有聲音導航。

有上次芊芊去Pixar Fest測出的彼思角色性格的「肥克」呀！

由Modeling, Texture, Skeleton, Motion, Lighting, Special Effect and Rendering, 都清楚地展現俾大家知道。點解我咁清楚？因為我都做呢行㗎嘛！哈哈～

小朋友仲可以親身體驗一下Modeling的操作，其實即係俾個 3D SOftware佢試吓玩，但係主要集中在幾個功能，好似Scale, move, rotate, 俾佢哋知道基本的三維空間。

有得學嘢又有得玩，最近又成日落雨，其實真係幾適合在這玩一個下晝。

這是哥哥的製成器，似咩呢？！

這個是芊芊的作品

幸好老夫都識少少可以扮代表，就同哥哥講解一下穿骨的操作。不過在場職員都會細心向大家講解(如果唔多人嘅時侯)

之後再體驗一下操作眼球及眉毛，其實同使用骨架結構操作係同出一轍。

素材運用、配對及攝影技巧，通通可以喺度學到！

當然不忘都要打吓卡啦～

嚟到哥哥的主場區啦！就係玩Stop Motion定格動畫，佢由細細個開始就拎住個手機App，自己不斷試完又試～

芊芊的工作係咩呢？就係負責監督住哥哥有冇擺錯位，同埋負責撳個影相制，哈哈～

最多可以做出299格的定時動畫，哥哥將每一個動作都設定得好仔細。

又來試一試控制燈光。

除了虛擬操作，小朋友也可以有實體操作的體驗，來調交出早上，日落及晚上的燈光及光線移動吧～

去到最後一個展區就係「成像製作」即係Rendering啦～做設計呢行的朋友就知道，因為部腦唔夠勁，次次要Render起上嚟可以三日三夜㗎～

最後一定唔少得 Popup Store 啦！唔想忍唔住手，咁就瞌埋眼拖住細路快D走。。。(不過我諗都幾難)

最後送多張彩蛋照～呀占

Photo & Video by Sony A7III FE 16-35mm F/2.8

想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2

地點：香港科學館地下展覽廳

特別入場安排： 為提供更舒適的到訪體驗，所有參觀此展覽人士必須透過網上預約系統，預約入場時間。預約系統將於7月29日下午2時開始接受登記，可供預約當天起未來七天之入場時段。成功預約者需於參觀當日到科學館，向職員出示確認電郵上的二維碼，並在票務處即場購買門票或博物館通行證。博物館通行證持有人亦需透過網上系統預約，並向職員出示二維碼方可進場。市民請預早計劃前往參觀的行程。

票價：

$30, $21#, $15*（星期一、二、五、六、日及公眾假期，票價已包括參觀常設展覽廳）

$10, $7#, $5*（星期三，常設展覽廳免費開放）

$5（全日制學生）

#20人或以上於同時段參觀的團體之標準票特惠價

*適用於殘疾人士（及一名同行照料者）及60歲或以上高齡人士

博物館通行證持有人及由攜票成人陪同參觀的四歲以下小童免費參觀

星期三免費入場安排不適用於此展覽

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。