【親子好去處】荃灣帝景酒店 Royal View Hotel ＋麗都灣 Lido Beach

今日我們來到荃灣帝景酒店玩樂，因為我得到了酒店住宿連飲食餐券獎品，所以帶埋一家四口嚟玩番晚

當日由於芊芊要下午2：00上playgroup，所以我同Hysan就早少少先入嚟check-in，

我哋搭西鐵由朗屏到荃灣西站落車，跟住D出口乘的士大約10分鐘便到了酒店，車費太約＄50，

我哋先將行李放進房間，然後就同Hysan去5/F的波波池室，

大家記住要在check-in時問服務員拎埋張波波池室既咭，如果唔係入唔到去，

其實波波池室只係一間套房但將佢設計成波波池＋兒童遊戲室！

當時只有另一家三口同我哋2個一齊玩，所以冇咩人玩得好開心，

跟住唔夠5分鐘那個家庭都走埋，得番Hysan自己一個玩到傻咗，

其實我唔太鍾意呢d設施，一來我鍾意小朋友接觸多些大自然，二來波波池出咗名係好污糟！不過一次半次就算數啦！

之後我同佢玩咗大約20分鐘，就再帶佢落去酒店附近的海灘，叫做麗都灣海灘，

大家離開酒店門口之後轉右手邊就會見到一條樓梯可以行落去，沿路一直行，大約10分鐘就會見到有指示牌，再沿住樓梯行落去就見到，

其實係酒店高層望落去都會見到個海灘！我哋住18/F，在升降機大堂便可以看見，

順便一提，酒店的升降機是沒有18/F的，只有18／19/F，因為它是18.5/F，出咗𨋢之後要上半層或落半層去18及19/F

講番個海灘，我起初以為係一個冇人駕駛既海灘，原來係有救生員，仲要差唔多5﹣6個，

救生員塔都有3﹣4個，十分安全，有2個浮台，個沙灘10個人都冇，d沙仲好幼！幼到砌唔到城堡！

當然個灘好細，但係我情願細都唔想同人逼！

我完全冇介意自己好肥咁除咗件衫，露咗個大肚DUM！不過d水俾浪打埋嚟的少少垃圾污染咗，不過游出d就好乾淨。

Shutter Speed | 1/2000 s

Aperture | f/3.2

ISO/Film | 100

同佢玩咗個幾鐘，跟住就到Hysan要番元朗學畫畫，於是就同佢的士去再的士番酒店，番到酒店都已經係7:30,

當時芊芊同媽咪已經到咗！我哋去食buffet前就再去多次波波池玩一陣，佢哋玩到唔捨得走，

最後同埋大bearbear影相就即刻落去食嘢，因為餐廳吹我，buffet去到9:30，

得番一個鐘多d食！嘢食相當唔錯，只係冇生蠔就差咗d！支裝汽水任飲！

Shutter Speed | 1/160 s

Aperture | f/1.8

ISO/Film | 800

Shutter Speed | 1/100 s

Aperture | f/1.6

ISO/Film | 800

最後再一齊落多次沙灘玩！散吓步就番上房沖涼休息了.....

到第二朝媽咪要趕番學校主日，我同佢2個就落去嘆埋個早餐buffet先走人！

Hysan係都要睇埋個特命戰隊先肯落去食早餐, 妹妹就同我係度玩匿埋, 落到去10:15,

跟住先知原來早餐去到10:30, 好在仲有嘢食,

我抱住呀妹神速咁夾哂D嘢食番去同佢哋食, 佢哋2個從來冇食得咁快!

Photo by CANON 5D Mark III, Len | EF 35mm f/1.4L USM

呀劍評分: 8分

呀劍評語: 如果唔係有個沙灘, 真係得3分! 因為就圍乜都冇, 如果一家大細去, 係酒店真係冇嘢做, 個早&晚buffet都唔錯, 唔駛錢嚟講真係幾好! hahaha :P

呀劍貼士: 酒店樓下有間shop仔賣吓嘢飲嘢食, 一罐可樂賣$20, 可以唔駛再講落去, 大家有需要自己知點做啦!

帝景酒店簡介

帝景酒店臨近香港的中心點，位於荃灣的青山公路上。從酒店到香港國際機場，只須40分鐘車程。酒店座落於汀九橋畔、汀九灣和麗都灣之間，臨海而建，坐擁青馬大橋和汀九橋的宏偉景觀，以及馬灣海峽的壯麗海景。依山傍水、環境優越、締造出舒適悠閒的感覺，有別於一般的酒店景觀。帝景酒店提供方便快捷的交通前往港九各區，只須數分鐘便可到達荃灣港鐵站。

交通

由荃灣港鐵站至帝景酒店

計程車 - 每程大約$50

小巴 - 由荃灣港鐵站轉乘酒店穿梭巴士或96M、96C或96小巴，小巴每程收費為HK$5.9元

酒店專車服務時間表

http://www.royalview.com.hk/chi/pdf/New_Shuttle_Bus_Scheddule_20140401.pdf

電話

3716 2888

網址

http://royalview.com.hk/chi/index.html

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。