今日我諗起最近青衣城有大富翁既展覽, 同埋半年多前屋企樓下多咗條68E既巴士線, 可以直去到青衣城落車, 所以就試吓搭! 其實我好少會去追呢D商場既POPS, 不過今次真係做得好靚同好認真, 所以都專程嚟望吓, 如果好似上次FROZEN咁, 我就冇嚟啦...
不過在元朗公園開出既68E唔係咁密, 差唔多半個鐘先一班, 所以最好睇定咗幾點會開車時間表先至去等車!
我哋上咗車之後, 小朋友都開始瞓覺, 大約40分鐘就在青衣港鐵站落車, 轉個彎就到咗青衣城啦!
一入到去就見到大富翁的POPS啦!
我整蠱哥哥叫佢行入去, 之後佢先知呢個係監倉!
佢哋其實未接觸過大富翁, 不過一見到一格格就跟住行同埋跳!
有一樣要讚, 商場搵咗2個姊姊工作人員喺度, 專為到場朋友影相!
同埋大家好有秩序, 唔駛大家喺度爭, 如果喺Harbour City或者Timesquare
肯定幾班人企埋去同一個POPS, 影個陣要避開人!!! 可能青衣區比較少自遊行!
仲有好多其他POPS, 好多都係大富翁的棋子!
影完相玩完之後, 都差唔多6:00, 我哋就去食妹妹最鍾意既烏冬! 因為太早, 入到去想坐邊都得!
食飽飽後去個厠所, 商場真係醒目, 專登係厠所入口外面放咗好多部$5機動車!
喺你等呀媽去厠所既時侯就要俾小朋友坐, 我都最後要俾$5佢哋玩...
Photo by CANON 5D Mark III, Len | EF 35mm f/1.4L USM
呀劍評分: 6分
呀劍評語: 同一般商場比較佢好在一行出商場就見到海濱長廊! 可以散步睇海吹吹風! 如果要加分就要視乎埋當日商場的活動同埋你食個餐好唔好食啦haha
青衣城簡介
青衣城是以海洋為主題的商場，有140多間商店，售賣潮流服飾、童裝、科技電器產品；還有多間餐廳。
地址
新界青衣島青衣站青衣城一樓「夢幻島大堂」
開放時間/ 交通/ 其他詳情
請參考網址 http://www.maritimesquare.com/
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。