【親子好去處】將軍澳香港單車館 Hong Kong Velodrome 兒童遊戲室

今日同大家分享既係將軍澳的香港單車館，這裡有分為單車館及單車館公園，但這個公園是不可以踩單車，認真攪笑！另外也不要搞亂，單車館是一般人(李慧思除外)不會在內踩單車的體育館。所以其實單車館同單車館公園都唔係俾普通巿民可以踩單車的地方！真係滴汗...

不過我今日都同芊芊去咗呢個地方

第一話說我夜晚約咗上舊同事新家吃飯，所以順便嚟呢度望吓

第二單車館雖然唔可以踩單車，但係裡面有個兒童遊戲室，都幾大都寛敞！

仲有今日落大雨，所以嚟呢個地方玩吓係最好不過。

附近有條天橋直接到達單車館! 從外型睇都幾壯觀!

呢度話大唔大，不過今日嚟咁少人就覺得幾大，呢度係分時段開放，我最欣賞呢度係有上限入場人數，我估係唔想令到個場好快被人破壞

佢每個小朋友一定要有一位大人陪同，最多40人，即20小朋友+20大人！同埋佢有3個保安員在當值，十分安全！

我哋一入到去就先除鞋放好，在門口附近設有數十張膠櫈俾家長坐，真係安排周到，俾唔入場的大人可以坐喺度等

芊芊最鍾意玩呢個大斜面SIR滑梯！滑多幾次仲開始扮驚喺度叫「哎呀哎呀哎呀！」

場中間有架車, 小朋友好鍾意匿埋係車尾呢個位!

玩玩吓又嚟番呢度, 都係最鍾意SIR!

玻璃窗上貼滿唔同既貼紙 (咁啱影到出面有對父子玩捉!)

有個妹妹好得意, 喺度教芊芊應該點行, 呀芊真係好安靜咁聽佢講, 好攪笑!

之後我想上去個單車賽道望一望, 原來唔係成日有人喺度練習! 唔怪之得好多人寫blog都cap人哋張官方圖啦!

玩完出番去同招牌影番幾張相先....因為裡面凍, 一出嚟個鏡頭矇哂!

Photo by CANON 5D Mark III, Len | EF 35mm f/1.4L USM

呀劍評分: 6分

呀劍評語: 始終都係新建的館，很舒適及乾淨的環境，洗手間乾淨，跟BB換片最為合適，而且管理也完善，有成3個保安員在場！可惜周邊沒有太多配套不大方便，如果可以成日都咁少人，咁我都可以加番佢少少分既！

香港單車館簡介

香港單車館是本港首個符合國際自行車聯盟標準的室內單車設施，於2014年4月30日落成。佔地約5.3公頃。園內有廣闊草坪和人工湖，景觀優美。公園另設有多項康體設施，包括極限運動場、露天劇場、緩跑徑、運動攀登牆、兒童遊樂場，長者健體園地和模型船池。

兒童遊戲室簡介
以極限運動（X-games)為主題，佔地286平方米，是香港康文署核下的兒童遊戲室面積最大的頭五位，亦是最新建成的兒童遊戲室之一。兒童遊戲室地上和牆壁均舖著軟墊，可讓兒童安全遊玩，尤其適合年紀較少的嬰孩在一個安全的環境中活動。

遊戲室開於時段
9:00am-10:15am
10:30am-11:15am
11:30am-12:15pm
12:30pm-1:30pm
2:30pm-3:15pm
3:30pm-4:15pm
4:30pm-5:15pm
5:30pm-6:15pm
6:30pm-8:00pm

地址

將軍澳寶康路105-107號

開放時間
單車館：每日上午 7 時至晚上 11 時（定期保養日除外）/ 每月第一及第三個星期二上午 7 時至下午 1 時（如遇上公眾假期，將順延至公眾假期翌日）兒童遊樂場、長者健體園地、中央草坪、草地平台、服務大樓：全日24小時開放極限運動場、運動攀登牆、露天劇場、緩跑徑、模型船池：上午8時至晚上10時

兒童遊戲室費用
免費入場

交通

西鐵坑口站B2出口步行15分鐘／西鐵將軍澳站A出口步行15分鐘

其他交通工具請參閱http://www.lcsd.gov.hk/parks/vdp/b5/access.html

電話

2878 8621

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。