【親子好去處】山頂廣場無常人生:奈良美智 LIFE IS ONLY ONE: YOSHITOMO NARA @The Peak Galleria

平時天氣好去到山頂廣場或凌霄閣，都一定人頭湧湧，咩都要排隊，食嘢只可以去麥記！所以我今日專登係落雨濕濕既日子，貪佢人少去到山頂上面玩！

上一站>>CLICK HERE!
【親子好去處】中環香港海事博物館 Hong Kong Maritime Museum

雖然唔可以係最佳位置睇到香港靚景，但係原來上到嚟睇霧景都超正！

我哋喺中環8號碼頭睇完海事博物館之後，就行到去6號碼頭對出的15號巴士站！

記住唔好搭錯15C，因為15C係去纜車站！

因為我估到上山搭纜車一定超多人，所以我選擇回程既時侯先搭纜車！

我哋行到去巴士剛剛走咗一班車，不過等咗唔夠8分鐘就有另一班，

上車好少好少人，大把位坐！可能因為天氣唔好關係！

搭咗差唔多半個鐘頭就上到山頂廣場總站，成朝到依家雨都冇滴！但係霧就超勁!

真係真係超大霧！2米外已經睇唔到, 哥哥都未見過咁大霧，所以好興奮！

不過啱啱喺巴士上瞓醒，所以個人都好似D霧咁迷迷糊糊！

行過條短樓梯上去就見到有個纜車景點，可以俾人影相，其實佢係一個客服中心！

不過我講個小貼士你哋知，其實去車尾度影都一樣，

因為個個都喺車頭影，又迫又多人肉佈景板！

哥哥在學校上課，老師有教過香港的景點，所以佢依家親眼見到凌霄閣同山頂廣場都覺得好開心，話終於見到真既，

仲話凌霄閣好似柑(即係一楷橙咁)，其實佢今次係第3次嚟.....

之後發現原來已經4點，我哋都未食lunch，所以在Deli france度食個下午茶先！

中途哥哥話要去厠所，我同佢去咗凌霄閣個邊洗手間，仲經過爉像館門口同李小龍影番張相

起初佢以為係真人，所以唔敢過去！勁攪笑

我哋上到去一樓已經見到佢幾塊展板，趣怪哥哥又喺度扮哂嘢！係都要唔正經咁影，不過我幾鍾意

上到1樓我哋行出去望吓個天, 開始有毛毛雨, 聽到側邊呀叔講話沙田勁大雨, 好似黃色暴雨警告

沿路行都見到好多Banner!

跟住行行吓, Hysan話有個人吊咗落嚟, 我望上去嚇死我, 原來係假人!

其實佢係Promote緊三樓個3D美術館

之後上多層到二樓，見到電車文化館，即係好似80M專賣巴士產品既舖頭！

因為呀芊好鍾意叮叮, 所以我哋就停低睇吓!

不過芊芊唔知做咩發脾氣, 所以唔肯去影相!

無辦法啦咁哥哥頂住先!

最後終於搵到個展覽地方，原來係好細好細，雖然佢唔係正正式式的展廳(亞洲協會香港中心先係正式的展廳)

但係都唔好乜都冇呀！佢有個TV wall，將你現場畫的作品scan入去，

然後可以同自己作品影番張相，真係多謝哂！離開呢度之後我哋就向Trick Eye 3D美術館出發啦!

下一站>>CLICK HERE!
【親子好去處】山頂廣場特麗愛3D美術館 Trick Eye Museum @The Peak Galleria

Photo by CANON 5D Mark III, Len | EF 35mm f/1.4L USM

呀劍評分: 4分(暫時)

呀劍評語: 佢展覽本身冇問題，我諗只係佢哋Arrangement好攪笑！在山頂展出的這一Part真係少到唔少！不如唔好攪，我諗要去番金鐘亞協中心個正式展覽館先有嘢睇！

無常人生:奈良美智簡介

著名日本藝術家奈良美智在香港舉行的首個大型個人展覽。展題來自他其中一件畫作《無常人生!》

地址

香港山頂山頂道118號

營業時間
10:00 - 22:00 (每日)

交通

山頂纜車: 於中環花園道纜車站乘山頂纜車
巴士: 於中環交易廣場巴士總站乘15線巴士
小巴: 於中環港鐵香港站公共運輸交匯處乘1線綠色小巴

電話

2103 9511

網頁
http://www.thepeakgalleria.com/
http://nara.asiasociety.org.hk/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。