親子室內

【親子好去處】山頂廣場 特麗愛3D美術館 Trick Eye Museum @The Peak Galleria

24 May, 15

當大家話今日天氣唔好，天文台成舊黑雲圖示，諗住留喺屋企之際，我反而去咗山頂玩！今日我哋嚟到山頂廣場三樓的特麗愛3D美術館 Trick Eye Museum





上一站>>CLICK HERE!

【親子好去處】山頂廣場 無常人生:奈良美智 LIFE IS ONLY ONE: YOSHITOMO NARA @The Peak Galleria


我哋在中環6號碼頭對出搭15號巴士上山頂, 在Delifrance食過下午茶之後, 我哋就沿住扶手電梯上到3樓的3D美術館

其實大家也可以在地下乘搭升降機直達3D美術館








去到門口我哋先去售票處, 見到原來做緊Promo!

開心著數大行動，出示香港永久居民身份證成人門票可享半價優惠(優惠期: 27/4 - 28/5), 所以在這優惠期內成人門票請於現場購買



入到場第一個最搶眼就係呢個場景! 2個小朋友第一時間就梗係要爬入去啦



哥哥你踩水啦!!! 妹妹你都識扮驚喎, 叻!



呢個場景係應該坐係條柱度扮有對翼! 我當時冇留意haha...



呢個大瀑布場景有D難影, 好容易穿崩, 所以大家要高D炒番落去!



又有得爬!! 芊芊即刻爬咗上去...難得有3D美術館的場景可以俾人爬上爬落, 絕對適合小朋友去玩!



哥哥呢張演譯得最逼真! (其實佢係真情流露, 佢真係差D向後跌...)



大家估吓呢個水桶係一幅畫定係真係有半個桶凸出嚟? ^.^



又有個位俾呀芊匿喺裡面!




媽咪呢張擺得好靚! 咁啱佢又今日著咗白色衫喎!




呢張騎雞仔好真呀! hahaa....我想前面拉雞個人係咪梵高嚟架?



 呢張睇落去真係好似係正常咁企係度!!




哥哥你居然唔覺得錫個胡鬚佬好核突! 笑了




同開腦蒙羅麗莎嚟幅Selfie!



大妹妹與小哥哥!



大哥哥與小妹妹




所有嘢都假, 但係哥哥吊住係度係真架, 大家一定要扶住個小朋友呀!
(我有蒙羅麗莎抆住)



玩玩吓見到有其他朋友扮得好似, 不禁幫佢影番張



呀仔, 你D頭髮好似真係俾風吹緊咁!!



椰林樹影.....媽咪冇咗毎PATPAT



Hysan, 芊芊.....捉緊D條繩呀! (我自己都代入咗個場景)



媽呢媽呢胸! 我有毛有翼曉飛啦



芊：「哥哥你第日要車我周圍去呀!」




去到場館中間有個位玩KINECT, 哥哥同妹妹入咗鏡好攪笑!









呢個場景好似科學館嗰個咁, 不過我影得唔好, 應該要坐低番少少, 避開個穿崩位!



哥哥：「唔好咬我PATPAT呀!!!」



哥哥你將來都要咁樣保護媽咪呀!!!


哥哥主動放隻手係BEARBEAR口度叫我幫佢影相


喺暗角位有個咁既人係度疴.....但係冇咩人見到佢同佢影相, 等我幫你影番張啦




好嘢! 有芊芊最鍾意既蛙蛙呀! 將來希望你都遇到你的青蛙王子啦
(其實呢張應該要扮蝴蝶同王子KISS)




「我妻!!!!」你睇吓我幾勢利...(哥哥番到屋企見到呢張好好笑)




嘩, 救命呀!!!!






呢張唔知想點...







叫咗隔離的爸爸一齊互影番張合家照!



場館的盡頭就係呢張食人魚.....



終於離開咗個館啦! 見到出面開始落起雨上嚟...當然我會俾佢哋出去玩吓水, 感受吓霧啦







真係行遠少少都俾霧遮哂!



佢哋好興奮又踩又跳, 其實只要立即替他們擦乾身體, 就不怕著涼了! 

有些時侯就讓他們放縱一下吧!

之後到洗手間整理一下, 佢哋見到個吹風機又可以玩一餐!


最後我哋回程去咗搭覽車, 等咗10分鐘度就有啦!

大家睇吓當時山頂幾大霧!



幸好我哋排隊既時侯又停咗雨, 基本上我哋今日既行程都唔駛開遮 THANKS GOD!

雖然冇位坐, 但係企係門口位, 有得望住條路軌都好興奮!



到咗站之後見到仲有好多好多人上山, 真係誇張!

各位KimFamilyTravel會送出每名額2張的特麗愛3D美術館入場券(名額4個), 詳情請到Facebook專頁睇睇!
https://www.facebook.com/kimfamilytraveltips

(遊戲結束於2015年5月30日)



Photo by CANON 5D Mark III, Len | EF 35mm f/1.4L USM

呀劍評分: 8分
呀劍評語: 3D館香港都越嚟越多！這個算係世界數一數二的3D美術館, 內裡空間寬敞，不會容易跟其他人搶位影相，而且他有人數管制，俾每一位入場人仕可以盡影靚相！每一個位置都好有創意，好適合一家大細或者一班老友嚟玩，包你笑到翻肚！裡面好乾淨，燈光又足夠，就算唔閃燈都夠哂影！仲有最緊要價錢合理，絕對值得一試！

特麗愛3D美術館簡介
於2010年開幕的特麗愛3D美術館選址於南韓首爾的文化藝術中心地帶─弘大。美術館目的為提供一個開心的環境讓訪客能從玩樂中學習。特麗愛使用源於法國的Trompe-l’oeil﹝意為障眼法﹞藝術，是一種利用錯視法把二維圖變為三維立體圖畫的藝術技巧。這種技巧於當時的韓國尚未為人熟悉。特麗愛美術館以輕鬆有趣的形式讓訪客體驗文化與教育結合的非常之旅。最愛歡迎的旅游網站“TripAdvisor”，通過旅游評論選出特麗愛3D美術館為2014年首爾的最佳博物館。由於廣受歡迎，特麗愛美術館現有三間本店及兩間位於新加坡和香港的海外分店。
－這裏不會有任何‘禁止觸摸’或‘禁止拍照’的標語。參觀人士可盡情拍照和觸摸展品。
－每件展品要依靠您的主動參與才能變得完整。特麗愛美術館能讓你成為演員，導演和攝影師。
－特大錯視畫作及展品會捉弄您的雙眼和攝影鏡頭，所有平面畫都逼真活現在您眼前。

地址
山頂廣場三樓

營業時間
每天早上10時至晚上10時

 門票
成人 $150
小童 $100
長者 $100
網上訂票可享九折
*開心著數大行動，出示香港永久居民身份證成人門票可享半價優惠(優惠期: 27/4 - 28/5), 所以在這優惠期內成人門票請於現場購買

交通
1. 山頂纜車
於中環花園道纜車站乘搭山頂纜車。 山頂纜車行車時間為每日上午7時至午夜12時 (星期日及公眾假期照常營業)， 每10至15分鐘開出一班。
http://www.thepeak.com.hk/en/5_5_1.asp

 2. 巴士
於中環交易廣場巴士總站乘坐15線巴士。 巴士行車時間為每日早上十時至凌晨0時15分， 車程大約35分鐘。
http://www.nwstbus.com.hk/routesearch.aspx?t =1410749121122&intLangID=2

 3. 小巴
於中環港鐵香港站公共運輸交匯處乘1線綠色小巴
http://www.td.gov.hk/en/transport_in_hong_ kong/public_transport/minibuses/green/gmb _online_guide/hong_kong_island_gmb_routes /hk_1/index.html

 一般查詢請電郵至:[email protected]

電話
2813 1686

 網頁
http://trickeye.com/hongkong/


(以上資料更新至文章當日)


Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

搜尋

標記

近期文章

文章分類

分區活動

舊文重溫

RELATED POST