【親子好去處】錦上路跳蚤市場

我同芊芊今日天氣好出咗嚟拍拖, 今朝去咗嘉道理農場之後，跟住就搭64K嚟到錦上路西鐵站, 差唔多15分鐘, 好快就到! 嚟呢度梗係飲飲食食行吓街, 呢度係錦田跳蚤市場

上一站>>CLICK HERE!

【飲飲食食】錦上路手信屋

因為芊芊喺巴士瞓著咗, 所以我先入去西鐵站同佢涼吓冷氣先

我就買罐嘢飲補充吓體力先,

今日咁好天, 我估計好多人都去咗游水, 所以呢度都唔見得太多人

因為呀妹仲瞓緊, 所以我就推住BB車, 周圍行吓先

呢度主要既攤檔都係賣民族色彩, 精品, 玩具, 寵物, 傳統小食咁上下

都係D平時你唔會買, 但係嚟到見到又忍唔住想買少少咁既嘢

行到一間賣雜貨的舖, 見到呢三個小童尿盥好攪笑,

設計得好好, 有個風車仔係疴尿位置, 等小朋友可以瞄準嚟射

不過我覺得如果係放個iron man或變形俠醫喺度可能佢哋仲準

超吸水力毛巾都有得賣!

我覺得叫做「抽水王」好D囉, 或者講明係「索女」最啱用!

中間有個四驅車賽道, 唔知幾時有比賽呢?

單車舖都有, 啱哂一家大細喺度租嚟周圍踩

成個跳蚤市場都放咗好多把呢D製冷大風扇,

所以你行咗入去之後其實真係唔覺太熱

呢度有幾檔都賣海底椰! 可以就咁切片食都得!

呢排屋企多咗好多曱甴仔, 所以幫襯老闆娘買咗$10, 我要兩支粉筆, 一包粉

除咗冰菠蘿, 仲有咁多唔同款既冰生果喎!

呢度都有撈金魚, 不過我本人都唔支持, 因為我覺得呢個活動好殘忍

如果大家仲記得今年農歷新年, 商人為咗做生意, 入了過千條金魚仔,

但係年宵過後, 就如垃圾般掉到垃圾站

其實撈緊既過程裡面隨時會整死佢哋, 無謂將自己的快樂建築喺金魚既痛苦身上

如果真係要逐樣嘢拎上手嚟, 可能夜晚都未走得!

好似去咗台灣夜巿咁, 有好多台遊戲機放喺度俾人玩

好似仲多嘢睇過女人街同赤柱大街

下一站>>CLICK HERE!
【飲飲食食】錦上路豆花譜 Duo Hua Pul

Photo by CANON 5D Mark III, Len | EF 24-70mm f/2.8L II USM

呀劍評分: 6分

呀劍評語: 錦上路真係經過好多次, 但係每次見到呢個跳蚤市場, 都冇諗過要行, 因為抱住「咪又係咁」既心態, 不過今日行入去有唔同既感覺, 都幾好行同埋幾舒服(不過只限少人既時侯), 我建議晏少少4-5點先到會行得舒服D!

錦上路跳蚤市場 簡介

錦上路跳蚤市場，逢周六、日及公眾假期才營業，地點距離錦上路西鐵站出口不足20步路程，非常近便。跳蚤市場分為黃紅綠ABC三區，雖然不像附近的紅磚屋市集有磚屋上蓋，避免日曬雨淋，但這裏最大賣點是佔地約5萬平方呎，近160個檔位售賣林林總總的貨物，有健康食品、家居用品、衣飾、盆栽等；花點時間發掘，絕對可以滿載而歸。值得一讚是，跳蚤市場用了全新的日本組合屋代替地攤，防風防雨和隔熱，遊客購物時，更舒適自在。

地址

錦田港鐵錦上路側

開放時間
逢星期六、日及公眾假期
早上10:00至晚上8:00

農曆初一初二 - 休市初三啟市連開5日至初七

交通

西鐵錦上路站B及C出口

網址
http://yl.hk/ksrsm/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。