親子室內

【親子好去處】可口可樂博物館

06 Jun, 15

今日有幸可以跟住可樂收藏家一齊嚟參觀可樂廠! 我諗有部份七、八十後，小學曾經去過鰂魚涌可樂廠參觀， 但後尾因為地方唔夠， 搬過去荃灣, 依家就搬咗去沙田，今日因為有翻新工程, 同埋博物館重新裝修開放, 所以第一時間嚟參觀!




首先要更正幾份報章的錯誤報導, 佢哋話只要你湊夠人數, 就可以申請參觀! 


(可能佢報導嗰陣真係咁, 後尾可樂廠改咗入場條件啦)

總之依家如果你想去參觀, 一定要係學校團體, 或者NGO非牟利機構提出申請

仲要3個月之前提交申請, 否則以私人名義或Walk-in一概不接受參觀

仲有小朋友一定要係5歲或以上先可以進入參觀, 同場有對父母抱住個女, 我估應該未夠4歲,

點知最後職員都要佢離開! 好嚴緊...

我哋今日可以成團, 因為有一位可樂收藏家借出自己的收藏品俾博物館

所以佢造就咗今日既參觀團, 我都好榮幸可以有份參與其中!

我哋一早(其實都唔早, 不過我哋元朗過嚟就要早D出門口) 就要出發

我哋9:00去到麥記食個早餐, 佢見到隔離枱有開心樂園餐送既咸蛋超人玩具好羡慕!

唔好意思Hysan, 我哋不如為地球出一份力, 製造少一件玩具吧!


Photo by iPhone 5s

今日天氣真係太好, 係好熱!!! (肉眼睇個天藍多10倍)



Photo by iPhone 5s

我哋今日搭咗三個鐵! 先上西鐵, 由朗屏搭到去紅磡



Photo by iPhone 5s

跟住就咁行去對面再上東鐵!





Photo by iPhone 5s

最後去到大圍上埋馬鐵, Hysan本來好開心, 因為第一次搭馬鐵(其實佢搭過唔記得)

一上到車佢就....吓? 同西鐵一樣既? CHER..........



Photo by iPhone 5s

去到第一城站落車, 在D出口行差唔多6分鐘見到都會廣場, 再轉右行4分鐘就到門口

因為負責人未到, 我哋喺門口影吓相先



呢度總共有18層, 但係因為係廠廈關係, 其實一層等於商廈住宅3層



八八卦卦的Hysan要偷望一吓入面!



跟住太熱既關係, 我哋行咗入去門口閘前面, 一邊等一邊涼冷氣!



Reception都設計得好靚! 乜原來有呢句Slogan "Drink, Uplift, Refresh"



我哋企係閘口附近影番出去



終於入咗閘啦, 我哋點齊人數, 去吓洗手間就開始我哋既可樂旅程喇




係大堂呢度已經有好多嘢睇, 2排放得靚靚既弧型汽水瓶~



簡略介紹汽水的生產過程!



我都唔知原來淳茶舍係可口可樂出品!





8大信念成就一個團隊!! 好勁呀

乜唔係成就咗個團隊先至作呢8大信念架咩? ^.^



好多個第一.....反而覺得呢個罐既設計好靚喎!




好多團友都著哂可樂既T恤嚟參觀! 我哋一反傳統著Line嚟! (其實我哋冇可樂衫)

可樂汽水廠的公關姐姐先帶我哋上五樓, 

我哋搭住呢架貨Lift上到嚟, 呢度係其中一層開放參觀製造過程的樓層



打開門口有一條樓梯要行上去, 牆上有這個歡迎LOGO! 好靚


沿住樓梯上去, 左手邊有介紹可樂的歷史, 右手邊的玻璃窗可以望落去工場, 睇到製造過程

因為基於商業原因, 職員吩咐我哋唔可以向工場影相







成個香港俾可樂產品充滿哂!!





Hysan, 希望你都係一個創意無限既人!



北極都有得飲!





可樂的大空罐裝!



行到去五樓的盡頭有好多可樂既精品展出! 其實一陣喺博物館仲多
























Hysan 問我部足球機有冇得玩!





一個幾可愛既回收筒!



跟住我哋就上七樓參觀, 同五樓一樣, 入口旁邊有個好靚既設計, 

打開門見到Enjoy字樣的LOGO, 呢一層以綠色為主, 點解~




原來呢層係講環保, 介紹可口可樂公司係生產以外

都有出力為環保出一分力, 分別在產品的製造過程, 質料等方面

盡量減少浪費, 達至Reduce, Reuse, Recycle





以可樂為題的家居設計, 我諗所有可樂Fans都會攪到自己屋企咁!










最近Hysan去完Eco Park, 學到的3R, 在可樂廠見到這3個字, 突然興奮起來!











特別要求, 話要同呢兩個垃圾筒影相, 真係怪人影怪相!



去到盡頭有個起哂格既Video Projector!



點解係環保概念既樓層有個咁大既發泡膠製的可樂POPs!



另外令我特別驚訝的一件事, 在參觀的其間,

從玻璃窗望落去見到礦泉水的製造過程, 

看見數以千計的bonaqua隨輸送帶運到另一部門

但係我哋見到有幾位姨姨工場職員在輸送帶旁! 

我哋就疑問點解成個過程已經機械化

原來職員姨姨係要用眼晴去覽察機械注水入水樽的水位是否楆準

我哋問「如果有水唔到位咁會點?」

原來職員姨姨就係在旁觀察, 如果有水被注入水唔到位, 

佢哋就立即拎住把(界)刀, 立即(界)穿佢連樽掉

導賞姐姐話「無辦法啦! 為咗保持品質」

我嗰吓真係覺得好唔環保(其他團友都報以「嘩」的一聲)

我心諗我買水嗰陣真係冇留意D水到唔到位囉

最後我哋去到十七樓, (其實等於57樓) 即係大家期待以久, 重新開張既博物館!































































睇緊博物館D精品之外, 都不忘向上望吓其他的裝置!



可口可樂最認得一定係紅黑白呢3個顏色!




除咗中間最突出的裝置外, 呢個都係最多朋友影相既景點

你行去透明膠片後面, 感覺好似你入咗個弧型樽身裡面!



除咗向上望, 都可以向下望, 簡直360度都有嘢睇!









原來呢隻好似R2D2既可樂機械人, 對腳係金屬飲筒同弧型樽!!
































老爸好少會上鏡!



行完博物館之後, 入去隔離間房, 係一個同博物館差唔多大既地方, 

只係放咗D櫈同埋有個Stage, 佢哋放咗條片俾我哋睇, 關於可樂既歷史演變!

我諗如果係一班學生嚟既話, 應該會係姐姐係大家睇完片之後企係台上面問問題拎獎品!

大家可以拎罐裝飲品或者支裝汽水, 識飲梗係飲支裝啦

佢哋安排好細心, 因為喺大堂入場既時, 已經問定我仔仔一陣想飲咩, 

佢哋知道小朋友未必飲汽水

所以Hysan就飲QOO蘋果汁





最後睇完片之後, 就係自由購買紀念品既時侯啦, 所有 KimFamilyTravel 粉絲注意

不日會有一個抽獎, 我會送出可口可樂伸縮冰袋一個, 仲有好幾個紀念Folder

職員仲拎咗一箱紙皮箱出嚟, 全部一律$10, 即係廠底貨, 然後錢係捐俾宣明會喎!

最後出去影番一兩張相, 我哋就完咗個活動啦! 約咗朋友仔去第一城商場食晏, 拜拜!











Photo by CANON 5D Mark III, Len | EF 35mm f/1.4L USM


呀劍評分: 7分
呀劍評語: 仲記得細細個跟住學校去參觀汽水廠, 當時好開心, 仲有好多紀念品拎! 又筆又擦膠又簿咁! 相隔差唔多30年再帶住呀仔嚟, 靚係靚咗, 不過過程就少咗嘢睇, 好似參觀工廠有好多機器都冇開動, 同埋都係好後期既工序, 即係得條輸送帶運住一支支嘢由呢度去到嗰度....當然博物館先係主菜, 所以冇所謂啦!

太古可口可樂工廠 簡介
參觀可樂廠，係每個人小學時的指定動作，適逢今年係太古集團取得可口可樂裝瓶權50周年，位於沙田廠房內嘅可口可樂博物館，經翻新後重新開幕，唔少珍藏由香港收藏家借出，第一次放喺可樂博物館展出。

地址
沙田小瀝源源順圍17-19號

開放時間
1月至5月及9月至12月（逢星期一至五）09:00-16:00
6月至8月（逢星期一至六）09:00-16:00


免費入場

交通
馬鐵第一城D出口步行10分鐘

電話
26367913

 電郵
[email protected]


(以上資料更新至文章當日)


Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

搜尋

標記

近期文章

文章分類

分區活動

舊文重溫

RELATED POST