嘉頓麵飽就食得多啦! 今日嚟試吓喺深水埗既嘉頓餐廳，喺深井既麵飽工場就要等Hysan 6歲先至可以去喇! 今日喺附近玩完上半場, 喺呢度食番個Tea醫醫個肚先
呢度同深井既廠房分別製造唔同既產品
據職員既透露深井廠房主要係造麵飽、餅乾及蛋榚之類
而深水埗呢度就係甜點零食, 好似朱古力手指咁啦
見到呢個廚師頭Logo就知道係嘉頓!
真係由細陪住我哋成長
去到門口有個Reception 姨姨喺度招待
佢問我哋幾多位然後Call上去
不過好攪笑佢哋唔係用Rocky叫上去
反而係打電話上去樓上餐廳既同事話有4位上緊嚟
左手邊有條樓梯可以行上去餐廳
但係因為我哋推住BB車所以去右邊搭Lift
裡面勁少人, 環境好似無記搭出嚟D場景咁!
我哋好快就搵到個靚位坐好
不過芊芊就冇機會食嘢因為佢已經中途瞓著咗
嚟之前我都上網睇過吓嘉頓餐廳既Comment
但係9成都係負評, 不過都要嚟試一試既!
仲有見人哋通常都係門口同呢件藝術品影相
我都唔執輸影埋一份!
Hysan話紅色呢件好似Gorilla
因為下午茶要到2:45(星期日, 平日2:30)先開始所以我影完相番埋去
就啱啱好可以點嘢食喇!
我叫咗呢度推介又幾出名既「康瓦耳餡餅(南瓜免治豬肉)」$45
「芝士香草漢堡牛肉芝麻風車包配薯條」$40
仲有佢今日推介既「芝士吞拿魚厚多士」$38
全部都包埋嘢飲!
嘢食未到既時侯, Hysan又開始畫起畫上嚟
先嚟一杯凍奶茶先
個樣幾靚! 隻玻璃杯身同杯底都好薄
唔會好似D餐廳杯又厚冰又大
飲落真係不錯, 有茶味亦有奶味唔太甜!
先嚟呢個「康瓦耳餡餅(南瓜免治豬肉)」
個樣好似好齋咁! 但係其實都唔差喎
Hysan學習用刀叉切開
一切開裡面D煙就走出嚟
熱騰騰(台灣Mode) 既南瓜豬肉餡都要走埋出嚟啦
我覺得好味道, 尤其係個脆皮!
特別係個角角真係香到無得頂!
之後嚟咗個厚多士個樣平平無奇!
我覺得呢冇咩特別不過不失!
最後呢碟漢堡飽如果$40嚟講都算OK喎
不過薯條就凍冰冰囉....可能炸起一段時間再等埋個飽先上菜
侍應既服務態度都唔差! 呢度仲有得Wifi上網
喺餐廳下面有個售賣店
售賣各款嘉頓麵飽產品
仲可以坐喺度慢慢嘆! 今日真係勁熱所以我哋都匿埋喺度抖一抖
行入少少你會發現有個地方展覽出嘉頓各樣產品
唔知咁多樣你哋又食過幾多？
當然佢哋兩個要同最出名嘅生命麵飽影張相
Hysan問點解咁多個要揀呢個影?
hEEhEE...
裡面有d生產過程嘅文字介紹及圖片
Sorry...我冇咩興趣睇 Skip哂
呢度原來都有d小套餐可以食
牛角酥同蘋果批連嘢飲都唔算太貴
不過太飽食唔落Lu
呢度的確環境好舒適！
原來麵包有咁多款...
我好似剩係食過紅色同埋藍色
呢個牛角酥喺超巿好少見
上次買過一次食覺得幾好食今次再Encore
仲有好多其他產品都未見過
不過真係試唔哂咁多
遲D要逐樣逐樣買番屋企試
最後買咗隻黃色包裝(即係香蕉味)嘅朱古力手指食
係呢度點可以唔同嘉頓個字影番張相
Photo by CANON 5D Mark III, Len | EF 24-70mm f/2.8L IS II USM
(節錄於兩次行程)
呀劍評分: 7分
呀劍評語: 上網見到好多負皮話佢點唔好食又貴, 午餐晚餐我就唔知, 我今次嚟食Tea覺得都唔係真係咁差, 價錢$40-50係冇普通茶記咁平, 不過我覺得還OK! 可以再嚟
呀劍貼士: 1. 要$150先可以碌咭； 2. 可以於辦公時間申請成為會員$150，除了有9折優惠仲有$50購物現金券生日禮口口等
嘉頓餐廳(嘉頓會所) 簡介
嘉頓會所為顧客提供優質餐飲服務，客人可在舒適的環境中，享用嘉頓新鮮烘製和富有傳統風味的特色麵包外，更可品嚐由廚師精心烹調及用料上乘的多款美食；會員除可相約良朋知己享受佳餚，更可租用會所作不同形式的商業或私人聚餐。
地址
深水埗青山道58號嘉頓烘焙中心閣樓
電話
2360 3153 / 2958 1541 / 2360 3170
營業時間
星期一至日: 11:00-22:00
招牌菜
康瓦耳餡餅，麵包布甸
呀劍貼士: 1. 要$150先可以碌咭； 2. 可以於辦公時間申請成為會員$150，除了有9折優惠仲有$50購物現金券生日禮口口等
嘉頓餐廳(嘉頓會所) 簡介
嘉頓會所為顧客提供優質餐飲服務，客人可在舒適的環境中，享用嘉頓新鮮烘製和富有傳統風味的特色麵包外，更可品嚐由廚師精心烹調及用料上乘的多款美食；會員除可相約良朋知己享受佳餚，更可租用會所作不同形式的商業或私人聚餐。
地址
深水埗青山道58號嘉頓烘焙中心閣樓
電話
2360 3153 / 2958 1541 / 2360 3170
營業時間
星期一至日: 11:00-22:00
招牌菜
康瓦耳餡餅，麵包布甸
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。