聖誕仲未到，話咁快新年氣氛又嚟到，因為農曆新年一月就係啦～所以今年奇華工作坊再度聯乘Sanrio推出期間限定課程「新春蘿蔔糕及3D馬蹄糕班」。
多謝奇華工作坊邀請我哋再次光臨奇華餅家的灣仔旗艦店二樓的奇華工作坊，參加今次期間限定課程又食又拎。
上年啱啱我要出席另一個活動來唔到，但見媽咪同哥哥芊芊玩得咁開心，今年再有機會終於可以一齊參加啦～
Sanrio角色大家又識幾多個呢？好多個都係由細陪到我大，最記得係成日都會買PC狗同AP鴨的產品，因為覺得只有佢哋係公唔係乸，哈哈～
上堂前仲可以同Sanrio角色逐一打卡，兩個仲拎到成手都係揮春。
師傅姐姐準備就緒，一齊材料都預先準備妥當。
見到呢個3D造型馬蹄糕，真係靚到唔捨得食囉～
騎樓仲擺放咗好多奇華小吃，最吸引我係芝士蝴蝶酥，玩完要落樓下買番幾包先！
師傅姐姐開始教大家製作糕點，逐個步驟細心教導大人小朋友。
到哥哥同芊芊落手，一個砌臘肉，一個剪臘腸。
工作坊適合8-12歲小朋友，起初都擔心哥哥用刀，不過原來係我怪獸過份擔心吧，佢都切得有板有眼。
不過都要媽咪從旁協助，等佢知道原來切唔同材料都有唔同切法，好似想切碎馬碲就要咁切喇！
又到下一個步驟～ 就係用機器刨蘿蔔絲，又可以俾小朋友邊玩邊學。
刨出嚟的蘿蔔絲，雪白得感覺似刨冰喔～
平時食就半秒清碟，原來真係要自己製作都好花工夫，幾乎唔記得蘿蔔糕除咗有蘿蔔絲，仲要切粒先至有咬口。
攪勻呢D工作當然交俾我家小姐處理。
攪兩攪又話攰要出去休息下喎～
將頭先切好的蘿蔔粒倒埋落去攪勻。
最後將所有臘腸臘肉粒都倒埋落去。
兩底 Hello Kitty 及 My Melody 蘿蔔糕大功告成，可以放入爐蒸糕囉～
蒸糕Bell～蒸糕Bell～
轉個頭就繼續開工造馬蹄糕啦！
馬蹄糕比較容易，兩三個步驟就可以攪掂，不過都係導師教得好。
哥哥同芊芊慢慢將攪拌好的漿，倒入3D造型模內，有Little Twin Stars、王桂狗、PC狗、AP鴨。
中間出咗個小小意外，哥哥打算將盆拎入焗爐，點知半途跌倒將粉漿倒瀉了，好在導師幫忙處理補救，最後都冇事！
當所有糕點都在蒸的同時，導師們都在煎各款糕點俾大家試食。
今年最新推出的「紫米紅米合桃糖年糕」，配上XO醬真係好好味。
仲有這款「陳皮蓮子紅豆糕」陳皮味道好香，配上紅豆糕，好似食緊鬆脆香口的紅豆沙。
獨一無二的蘿蔔糕出爐啦！
仲有晶瑩剔透的馬蹄糕都完成啦～
小朋友可以自己親手完成超有滿足感。
仲有超美的主題角色賀年禮盒裝起兩底蘿蔔糕。
真係一個又好玩又好食的親子活動。
今年終於可以一家人參加奇華工作坊，希望新一年又有新開始「身體健康，幸福滿滿」
工作坊完了都未夠，仲要落到樓下店繼續Shopping。
今個課程除咗可以拎走自己親手造的各款糕點，仲可以得到賀年特別版 Sanrio 紀念品，包括印有 Hello kitty 及 My Melody 的圓形糕模各一個，另印有 Little Twin Stars 及玉桂狗、PC狗及AP鴨的立體3D糕模各一套，以及賀年糕點包裝盒三個！
另奉送「Sanrio A4文件夾」一個、「Sanrio年曆卡」及「Sanrio賀年貼紙」乙份。
仲有喎，所有完成製作的小學員，仲可以獲得Sanrio出席證書乙張喎。
Photo & Video by Sony A7III FE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
奇華工作坊 - Sanrio 新春蘿蔔糕及3D馬蹄糕班
學費：$580
學費：$580
名額：每班16人
課程時間：2小時
課程包括：附送賀年特別版 Sanrio 紀念品，包括印有 Hello kitty 及 My Melody 的圓形糕模各一個，另印有 Little Twin Stars 及玉桂狗、PC狗及AP鴨的立體3D糕模各一套，以及賀年糕點包裝盒三個；「Sanrio A4文件夾」一個、「Sanrio年曆卡」、「Sanrio賀年貼紙」乙份及「Sanrio出席證書」乙張。
課程時間：2小時
課程包括：附送賀年特別版 Sanrio 紀念品，包括印有 Hello kitty 及 My Melody 的圓形糕模各一個，另印有 Little Twin Stars 及玉桂狗、PC狗及AP鴨的立體3D糕模各一套，以及賀年糕點包裝盒三個；「Sanrio A4文件夾」一個、「Sanrio年曆卡」、「Sanrio賀年貼紙」乙份及「Sanrio出席證書」乙張。
地址：香港灣仔皇后大道東188號2樓
電話：2343 8106
Whatsapp: 9228 9517
電話：2343 8106
Whatsapp: 9228 9517
網址：studio.keewah.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。