【親子好去處】Marcopolo Hong Kong Hotel 馬可孛羅香港酒店 Piccolo 住宿計劃

一年過得特別快，自疫情至今，原來也差不多有一年時間沒到過酒店玩。最近流行「Staycation」我們今次也來到 Marcopolo Hong Kong Hotel 體驗一下 Piccolo 住宿計劃。

這次馬可孛羅香港酒店為我們預備的套房，真的超乎我們想像的大，大到一個點我自己都不敢相信。

首先一打開門就已經一個超大的廳，幾乎在這裏跳舞打空翻也可以，就連 Pantry 都有，內裏設備齊全。

轉個彎以為已經是睡房間，原來還有一條通道，穿過衣帽間及浴室，才到睡房。

浴室也分別有企缸及浴江，可同時讓兩個人沖涼呀！

浴室設備齊全，小朋友用的牙刷套裝都有。

房間裏面仲有梳裝枱。

張床超大！瞓4個人落去都仲得。

每次到酒店最開心就係可以老遠助跑跳上張床度。

酒店超窩心仲預備咗支紅酒同小食，俾我同老婆夜晚有US TIME!

仲有自家製的朱古力。

今次 Piccolo 住宿計劃專為一家大細而設，Check-In 後每位小朋友先收到一份精美禮品包。

仲附送美國冒險樂園價值$200代幣。

兒童俱樂部 Piccolo Kids Club 就位於 10樓，酒店改裝了幾間房間，成為小朋友的玩樂天地。

其中有「海盗影室」、「電影院」、「遊戲世界」及不同的興趣活動。

我哋先到「海盗影室」扮海盗打咭，所有房間需預先向酒店前檯預約，每個時段約一小時，唔會同其他人同時享用。

今日剛好係萬勝節，一於同佢哋兩個扮海盗嚇下人，超多不同道具可以選擇。

基本上都唔駛我叫，兩個已經自動自覺拎起刀同槍投入角色。

平時呢兩個人叫佢哋扮咩都唔肯，今次可能間房冇其他人，一於少理唔怕醜，徹徹底底扮個夠，哥哥仲即刻走去揀埋件海盗裝著上身。

房間有埋海盗場景，真係過足戲癮，兩個當自己真係張保仔，一齊單打獨鬥來個大對決。

好耐都冇見佢哋玩得咁開心！

連我都覺得自己導演上身，同佢哋拍緊電影。

之後哥哥再換多個船長 Look，同妹妹一齊變咗獨眼龍再打過。

呢對海盗雙煞打劫我，迫我交哂D錢出嚟！

俱樂部都有其他設施適合年紀較小的小朋友，所以總有一間房啱佢哋。

扮完海盗就來這間房學習扭汽球，平時到商場排隊要人扭汽球俾自己就多，今次來一次自己汽球自己扭。

由最簡單開始學起，職員姐姐教佢哋先學扭一把劍。

整個下午節目超豐富，扭完汽球又到電影院，可以看看電影，我同媽咪就可以抖抖。

哈哈哈...兩個對手好忙，拎住頭先的大作邊睇卡通電影。

最後仲有佢哋期待咗好耐的「遊戲世界」。

我哋梗係玩依家最興的「Mario Party」啦！

因為我哋屋企冇電玩，所以佢哋有得玩就特別開心。

玩咗成個下晝，番到房間仲可以見到咁靚的日落景，真係好正！

個鹹蛋黃幾咁圓又靚，一家望住呢個 View真係好溫馨。

晚上我哋來到港威酒店這邊的「Three on Canton」食自助晚餐。

由於疫情原故，每張枱都會設有一定距離，非常安全，酒店仲為我哋預備咗呢個咁舒服的位置。

兩隻小毛孩櫈都未坐就即刻走出去搜捕美食。

剛好這天是萬勝節，這個甜點區的甜品全是 Halloween 的造型。

這個蛋榚我完全唔捨得切來吃，因為實在太靚，想俾多D人去影相打咭。

這個也很可愛，甜品師傅自己在杯上畫上鬼馬趣怪樣子。

唔好以為得甜品又睇得又食得，其他冰鎮海鮮、刺身和熟食，一樣咁刺激眼球同條脷！

有我最愛的生蠔同埋蟹腳。

其他最愛推介 - 北京田鴨，除咗好味之外，師傅仲超細心好禮貌！

極力推介呢款燉湯，有桂圓紅棗好甜又超潤，最啱呢個天氣飲。

鱆紅刺身又係冇得輸，入口半溶半彈口，好好好好味！

本來話要夾多D番嚟影張靚相，但係夾到一半已經忍唔住，要即刻開餐！

食飽飽之後，我哋仲用埋計劃送的價值$200的美國冒險樂園代幣換領券，去玩盡佢！

食完玩完都只係九點鐘，媽咪就提議到尖東海旁行個圈，感受一下萬勝節的氣氛。

今日天氣好，仲影到個咁清咁靚的維港景色，放盡電後終於要番酒店休息啦！

瞓咗個靚覺又發咗個好夢，第朝早我哋就落去一樓的 Cafe Marco 嘆番個自助早餐。

其實好多酒店早餐都傾向西式，款式比較少，不過呢度中西日韓都有，真係睇到心心眼。

兩日一夜的旅程又要完結啦，真係好唔捨得呀！希望下次再有機會來 Staycation 啦！

Photo & Video by Sony A7III FE 16-35mm F/2.8 + iPhone11 Pro

想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2

地址

九龍尖沙咀海港城廣東道3號

電話

2113 0088

網址

https://www.marcopolohotels.com/tc/hotels/hongkong/kowloon/marco_polo_hongkong/facilities/piccolo_kids_club.html

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。