【親子食記】纜車主題茶餐廳金牌老香港

究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～

上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。(其實有原因...)

餐廳都一如以往用上香港懷舊做主打特色，當然最吸睛就係門口直入的這排纜車卡位。

餐廳中間都好寛敞，加上好多玻璃窗的設計，令室內好光猛，食得好舒服。

仲有幾個充滿香港特色的透明牌扁。

香港四大發明！

餐牌同樣設計得好有特色，幾乎每樣菜式都有圖睇。

雖然餐廳主打食客都係外地遊客，不過食物款式都真係特別到連我呢D本地客都好想幫襯。

好似紅豆冰都已經有好多款，呢杯係麥精紅豆冰，感覺好似街巿飲開的奶茶/咖啡/鴛鴦紅豆冰。

至於菠蘿包同樣有好多款，我叫咗呢個就係牛扒菠蘿包，雖然叫Q版，但係我都覺得唔太細，都只係$48。

另外芊芊最鍾意食的乾炒牛河，真係不錯喎！牛肉唔多根，炒河仲好香！

鴛鴦炒飯都有得叫，價錢算合理，比起酒樓叫的仲平。

叫咁多嘢食都只係二百幾蚊，因為依家山頂廣場做緊重開業優惠，消費滿$300減$100，所以呢餐先咁平咋～嘩！開大餐啦！

哥哥就最鍾意呢個焗肉醬意粉，不過不失。

旁邊仲有精品店，梗係俾遊客食下食下，可以去買下嘢！

唔講得笑，餐廳外面仲有露天雅座，最近天氣咁清涼乾爽，坐外面真係仲舒服。

仲可以望住咁靚的景嘆茶㖭～

小朋友仲可以扮坐住纜車食嘢超開心～

Photo & Video by Sony A7III FE 16-35mm F/2.8 + iPhone11 Pro

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

地址

香港山頂道118號山頂廣場2樓205A號舖

開放時間/營業時間
上午10:00 – 下午10:00

交通指南
1. 山頂纜車於中環花園道纜車站乘山頂纜車
2. 巴士於中環五號碼頭或港鐵香港站D出口的中環交易廣場巴士總站，乘搭新巴15號巴士。
3. 小巴於港鐵香港站E出口的公共運輸交匯處，乘搭1號綠色小巴。

網址

https://www.facebook.com/pg/ohkrestaurants

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。