今日Hysan同芊芊上完星期六學校攪嘅學習班之後，為咗獎勵哥哥好乖上堂同埋芊芊冇瀨尿，所以同佢哋行去福華街玩具街度預先買燈籠送俾佢哋，之後再去太子嘅美味餃子店食嘢
呀劍評分: 9分
以我成日嚟嘅經驗嚟講，唔駛十秒鐘我就已經落哂單
大湯椰/ 大湯菲/ 大煎菲/ 3杯凍豆漿再加碗魚蛋冬菇車仔米線
真係唔講唔知原來香港有咁好食既水餃店
車仔麵其實可以不理，因為有呀芊喺度，好難就咁叫佢食餃就夠
先嚟杯豆漿，兩個細路已經爭住要飲！真煩人
飲咗豆漿就準備好等食喇！
嚟得呢度主要係食呢三款餃子，佢呢度最出名係用野葛菜湯做湯底，超好飲!
哥哥好攪笑咁問我一個問題「點解唔影豆漿？」
跟住我答佢話「都冇咩特別所以咪唔影囉」
然後碗仔米線就嚟到啦
跟住哥哥見到我拎起相機同佢影咗張相就問我
「碗麵好特別咩？」我都即刻唔知點答佢
不過話時話d魚蛋好入味喎
之後至愛的煎餃嚟啦
一嚟到大家都好快咁夾走咗幾件
得番碟上面6件我先至記得要幫佢影相
本人建議煎餃叫白菜會好食D，因為爽D冇咁油
真係全部即叫即整即食!!!!!YUMMY
之後跟住上係雲耳椰菜餃(大)
當我一咬落去，D餡喺我口裡面周圍走
絕對唔係大家平時食開個種個餡得一舊肉嗰隻
之後嚟埋碗菲菜餃(大)
呢個媽咪俾湯人飲都唔記得呼呼先
辣到人哋個咀仔啦
之後補番一嗒算你啦
俾大家睇吓裡面個餡樣，真係冇花冇假！
本身舖內有罌菜甫，係自家炒製，入口都幾辣
好多人會配埋餃子一齊食，不過本人都係比較原始
所以不論湯餃或煎餃我都係乜都唔點就咁食
免得俾其他醬料蓋過！
冇講笑真係最後連湯都飲埋, 超正!
呀劍評分: 9分
呀劍評語: 真係全宇宙最好食嘅水餃店！我咁講唔係因為誇張，只係我未食到更好食的餃子！依家連長沙灣都開咗間分店呀!!
美味餃子店 簡介
位於太子的美味餃子店，門外經常企了一條長龍，幫襯過的必然會記得她的招牌餃子及生魚豬骨湯底，以一招美食行天下。小店形式經營，舊舖只有三張大枱，十多個座位，地方窄，食時客人經常手肘碰手肘，但卻無損幫襯意慾。(蘋果日報)
地址
太子大南街74號地舖
電話
2309 7308
營業時間
星期一至六: 11:00-00:00 星期日休息
招牌菜
雲耳椰菜肉餃/菲菜肉餃/白菜肉餃
美味餃子店 簡介
位於太子的美味餃子店，門外經常企了一條長龍，幫襯過的必然會記得她的招牌餃子及生魚豬骨湯底，以一招美食行天下。小店形式經營，舊舖只有三張大枱，十多個座位，地方窄，食時客人經常手肘碰手肘，但卻無損幫襯意慾。(蘋果日報)
地址
太子大南街74號地舖
電話
2309 7308
營業時間
星期一至六: 11:00-00:00 星期日休息
招牌菜
雲耳椰菜肉餃/菲菜肉餃/白菜肉餃
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。