今日外父外母嚟同我慶生好開心呀！我哋揀咗屋企附近嘅品香樓，呢度最近都成為咗我嘅飯堂
我今日一早收到外母電話問我今晚得唔得閒
想過嚟搵我慶生！所以我就即刻打電話Book咗品香樓
大家Book嘅時侯記住要叫佢留埋手撕雞
因為手撕雞係品香樓其中一味招牌菜
我哋提早咗少少去到，帶埋單車同Scooter去南山邨上面個大平台踩
喺石硤尾附近一帶
除咗我上次介紹嘅石硤尾街巿美食平台之外
都好難再搵到咁大個平地可以喺度盡情咁踩單車
我訂咗6:30枱，所以呢個時侯仲唔係太多人
到咗7:00打後就開始陸續多人
佢哋喺幾個舖位隔離仲有舖，所以坐滿咗都唔驚...
大部份傳統菜式都係100蚊上下
重點推介都係呢碟鹽焗手撕雞，係一個冷盤
一定要喺訂枱時喺電話預訂埋(切記切記)
如果現場嚟到先叫未必有(除非有人訂咗冇嚟)
面上落了些黑芝麻，吊出雞嘅香味，雞肉好嫩好滑！
之後呢碟蜜桃沙拉骨都好得！蜜桃並非罐頭，燒骨亦好林好香！
呢個粉絲什菜煲，賽螃蟹同埋糖醋桂花魚都遜色咗少少
始終上海舖正宗D好食D！
什菜煲－徧鹹！
賽螃蟹－蛋白炒到一舊舊太實！
糖醋桂花魚－外唔夠香脆！
呢碟京都骨好好味，酸酸甜甜恰到好處
加埋伴碟的蜜桃真係好正
西蘭花嚮螺片炒蝦球，正常！
佢仲有一味係西蘭花魷片炒帶子
如果你想調亂其中一樣好似西蘭花魷片炒「蝦球」就要加$10
跟住一定要叫嘅呢杯凍朱古力少冰一定要嗌
真係好飲過Starbuck！
明知肥都要飲！
聽講仲有味「南乳炸豬手」、「火焰牛枊」同埋「風沙雞」都好好食
下次一定要叫呀！
Photo by CANON 5D Mark III, Len | EF 24-70mm f/2.8L USM
呀劍評分: 8分
呀劍評語: 咩叫做風儉由人，就係呢度！平有平食貴有貴食！一定要叫呢度嘅手撕雞，不過一定要預訂，唔會做多唔會做小！仲有凍朱古力，真係估你唔到，仲好飲過Starbuck!
唯一缺點就係隔離枱嘅噪音嘈到你頭暈
唯一缺點就係隔離枱嘅噪音嘈到你頭暈
品香樓 簡介
南山邨的隱世食店，不是當區住客，很少人會發現得到。「品香樓」新派廣東菜，食店門外每日總有不少食客在排隊，其中更有不少是附近城大與浸大的學生，一到晚上，這間屋邨中不起眼的茶餐廳便會擠滿了食客。
地址
石硤尾南山邨南豐樓平台商場 204-205，210-213號平台
營業時間
06:45-00:00交通
地鐵 起點: 港鐵石峽尾站 B 出口 沿窩仔街往棠蔭街前進至大坑東道。 需時：約 5 分鐘
招牌菜
手撕雞，南乳炸豬手，凍朱古力
電話招牌菜
手撕雞，南乳炸豬手，凍朱古力
2778 8791
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。