【親子好去處】尖沙咀 K11 Art Mall - The Secret Life of Design Exhibition (已完結)

啱啱係Fullhouse食完個好味晏晝，我哋本打算搭港鐵番屋企，但係途經呢個K11藝術館，媽咪話想入去睇吓! 睇吓有咩展覽先

大家可以睇番我哋頭先去Fullhouse食過咩 [飲飲食食] 尖沙咀 Fullhouse Signature

今期個展覽主題係 "The Secret Life of Design Exhibition"

可能個展覽對小朋友嚟講唔會睇得閒

(其實大人都未必睇得明)

但係俾個機會佢哋接觸吓都係一件好事

起碼學識去到博物館或參觀展覽要「安靜」!

入到場內先有幾部大電視放喺度

訪客可以帶上headphone欣賞! 芊芊都學人要帶上headphone睇video

好在條線都夠長....

video主要係講「生命」, 每條片長大概2-3分鐘

芊芊睇緊呢條片係講BB喺媽咪個肚度

佢好鍾意BB, 所以睇咗好多次都唔厭

跟住再行入去, 兩個繼續周圍攪攪震!

呢個標題大Wallpaper好靚！最衰兩個嘢唔肯企定定俾我影

覺得所有嘢都好新奇，周圍咁睇完呢樣睇嗰樣

跟住芊芊走到去今次展覽的藝術家介紹區

然後呢度有部好似汽水機咁嘅物體

裡面放嘅全部都係膠水樽

樽裡面都裝住張紙條，紙條上寫嘅都係關於「愛」嘅字句

真係要拎真金白銀出嚟Do先可以有...

我梗係唔會上當嘥埋D咁嘅錢！

咁多個地方我最鍾意呢個關於生死嘅流程一覽

佢用插畫好得意咁敍述咗人一生由出生到死後的路線圖

好幽默！俾小朋友睇到都唔覺得太慘，仲好攪笑！

最後嚟到呢個好奇怪嘅紙皮箱的空間

佢用紙皮做出了一個用六角形組成既上蓋蓋住整張枱

大家坐低後只係看見其他跟你坐在同一枱上的朋友

裡面有個球形嘅燈好似個水晶球咁

我唔知有咩寓意，不過當我坐落去嘅時侯只係見到芊芊同Hysan

就霎時覺得呢個只係屬於我哋3個嘅空間好奇妙呀(因為得3個位，冇媽咪份)

臨走前再俾佢哋周圍聽吓睇吓Video

同埋最後都肯企定定俾我影番張相啦

Photo by CANON 5D Mark III, Len | EF 24-70mm f/2.8L USM

呀劍評分: 5分

呀劍評語: 本身唔係個展覽有問題先咁低分，只係個展覽對像唔係小朋友，而我哋主要都係媽咪想去睇先跟埋一齊入去啫，所以個展覽係Good嘅，只不過唔太適合小朋友先至俾5分，不過我覺得如果經過開又不妨俾小朋友去接觸吓，從小讓他知道藝術並非只講靚唔靚同埋唔止用繪畫嚟表卜，更重要係佢要表達既訊息

K11 Art Mall 簡介

匯聚經典及當代藝術，引領本地藝術進駐國際平台。K11 Art Foundation 是一個為大中華地區年輕藝術家提供各種機會以實現並展示他們的全部潛力的創意平台，通過良好的合作項目、跨區域實驗項目在區內以至其他國家展

展覽日期(已過) 可留意進行中的展覽日期
9月4日 - 10月5日

開放時間
12pm - 10pm

地址

chi K11 art space
尖沙咀港鐵站N1出口

網址
http://www.k11artfoundation.org/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。