「一個人的咖啡」就睇過，星期六呢個下晝, 學習吓咩叫慢活，同老婆嚟咗石硤尾近JCCAC的一家Cafe店 - toolss
一個好特別既名字
跟cafe完全沒有關係的名字
是因為店內除了可以品嚐咖啡及食物之外
還可以購買它們的小精品文具等!
星期六的下午三點多
大家都來這裡來個輕鬆下午茶
因為正正係午後太陽
店外的圓櫈位置比較曬
所以店員開張小木枱, 建議我們坐在店外
見到店外這塊黑板仔
可見老闆都係畫得之人
可能佢開店之前都係一個designer
店內售賣的文具物品沒甚麼特別
正所謂「人靠衣裝，物靠包裝」
Sorry對於我呢D太實際既人嚟講, 我都好把持得住唔會亂咁買嘢 Hahaha...
不過其實呢D都係gimmick嚟
最主要都係嚟食個悠閒下午茶
我幾欣賞呢個木台
佢哋專登做咗幾塊咁樣的木台
然後放喺外面的欄杆位置
可以供人企向外面飲杯咖啡吹吹水
周圍都放咗D綠色植物令到成個環境都舒服D
最緊要都係睇番D食物!
上食物的速度唔算快! 店內有3個人
主要由2個負責廚房, 另一個落單
先嚟咗份熱辣辣既熱狗($30)+芝士($8)
不過未有杯咖啡濕濕咀所以都係等埋杯咖啡嚟先至食
咖啡我哋叫待應妹妹建議俾我哋
佢提議我可以叫焦糖咖啡
我不嬲都比較抗拒焦糖或榛子咖啡
因為怕會太過甜!
不過我照她提議的叫咗一杯
發覺如她所講真係唔算太甜, 仲覺得味道不錯!
拉花就唔算太靚仔, 隔離的曲奇都屬一般, 牛油味唔重, 好粉!
然後再嚟咗碟蜜糖焗薯仔粒($48)
待應妹妹話呢今日有3款小食係新加的
因為update唔切, 所以餐牌上面冇
其中一款就係呢樣啦!
賣相不錯, 而且有咁多粒都覺得幾好
不過薯仔粒仲好脆好生, 煮得唔夠林! (我唔知道係佢本身原意定係真係唔夠熟)
而且冇薯味因為俾外面多樣既調味粉同蜜糖蓋過哂
仲有最後叫咗呢份Squid ball
其實英文直解應該係魷魚丸
但係其實只不過係普通墨魚丸
點解會用個紙袋裝住? 因為實在等得太耐
因為我哋要4:30去接小朋友放學, 所以只好叫老婆先行去接佢哋
我等埋份墨魚丸同叫佢同紙袋入住俾我拎走
不過真係好普通的墨魚丸塗上調味粉
墨魚丸唔爽, 似成舊粉球咁!
其實佢哋在食材及煮法上努力D, 這裡一定會係一個不錯的地方!
Photo by CANON 5D Mark III, Len | EF 24-70mm f/2.8L USM
呀劍評分: 5分
呀劍評語: 睇過幾篇關於toolss的報導, 都係稱讚它的環境, 人情味等方面, 卻少提到它的食物, 其實當餐廳的環境及食物價錢走高價路線時, 顧客同樣期望食物的質素, 如果toolss既食物在茶餐廳吃到, 我會覺得幾特別, 不過在這個環境及價錢下我會覺得一般, 而且幾款食物當中都係靠調味料去增加味道, 並不是食物的本身! toolss希望你哋喺食物方面再努力努力!!!
toolss 簡介
香港地方雖然小，但有特色的小店卻隱藏在不同的角落，只要大家願花多一點時間去發掘，說不定會尋找到屬於自己的秘密基地呢！小店TOOLSS位於石硤尾，於裝潢和產品方面也下了不少心思。店中除了有店主由其他國家收集回港的精美文具外，更特別設有OPEN KITCHEN的咖啡角售賣自家製的小食與咖啡等飲料。也許，大家對小店鍾情的是它的人情味吧。(by milk)
地址
石硤尾偉智街38號福田大廈地舖
營業時間
星期一至日: 12:00-20:00交通
港鐵石硤尾站C出口向JCCAC方向, 到JCCAC轉右到偉智街街口即達
電話3954 5135
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。