【親子好去處】銅鑼灣吉卜力精品專門店「橡子共和國 Donguri Republic」@Time Square 時代廣場

吉卜力專門店開咗咁耐，今日都係第一次到此一遊，最吸引我當然係店內嘅貓巴士啦！銅鑼灣同尖沙咀都有分店，我哋今日先嚟銅鑼灣分店濕平先！

我哋穿過地下嘅Star War展覽就直接搭升降機上到九樓

一出嚟轉左就見到好大隻生招牌龍貓喺門口啦！

芊芊一見到佢就好想攬住佢

你睇佢可以同龍貓影相幾開心

在門口旁放咗好多同龍貓造型嘅花盆

我哋第一時就走入去貓巴士度影咗相先

因為嗰陣時仲少人，成間舖都唔係好多人

好攪笑佢個牌係寫住「銅鑼灣」

我仲好記得呢兩隻喺貓巴士上面嘅老鼠車頭燈

唔知點解當年宮崎峻要畫貓巴士同呢兩盞車頭燈個樣畫到咁邪惡

但係都好多小朋友都鍾意！堅利害

店內環境

呢度有齊哂咁多套經典作品嘅角色

不論主角配角閒角....仲有d佢唔放喺度你都幾乎唔記得咗有佢嘅角色喺度

不過有D貴，要成$20一隻，不過有品質保證...唔係好似街邊買番嚟嗰D油到出哂界

呢度都有好多T恤買，我最鍾意呢件！

不過出奇地佢哋居然冇賣童裝Size!

其他匙扣飾物

呢度有部電視播住宮崎峻嘅電影

就咁睇呢一幕估唔估到係邊套呢？(Blog尾開估)

芊芊搵到一個波兒小斜孭袋，好卡蛙兒！

最後我買咗呢隻波兒公仔當係芊芊嘅聖誕禮物！

臨走芊芊都要過去望多龍貓一眼！

真係好大隻！不過都未係1:1，如果可以爬埋上去同佢影相就好囉!

離開之後我哋就去搵吓一間小朋友書店metro KIDS

下一站>>CLICK HERE!
【親子好去處】銅鑼灣 MetroKids by MetroBooks @Time Square 時代廣場

Photo by CANON 5D Mark III, Len | EF 24-70mm f/2.8L USM

呀劍評分: 7分

呀劍評語: 三個字「童年回憶」真係無得頂，不過主要都係龍貓，其他角色嘅產品好少，甚至冇囉！我見唔到風之谷嗰隻大甲蟲噢！

吉卜力精品專門店簡介

吉卜力官方認可精品專門店「橡子共和國 Donguri Republic」香港第二間分店於（2015年 4月 28日）正式開幕！
商品：龍貓及其他以吉卜力動畫電影角色為主題的精品，包括日常用品、香港版的影碟及有關書籍等
商鋪面積：1,523平方呎

地址

香港銅鑼灣勿地臣街1號時代廣場9樓925C鋪

營業時間

上午10時至晚上10時

網址
http://www.benelic.com/service/donguri.php

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。