前兩日問一個家住美孚既同事「你知唔知邊度係饒宗頤文化館」同事答我「唔知道喎!」我話「咪喺你屋企隔離喎! 同事話「點解既？」
由我哋頭先食完晏既東海滬行過嚟只需10分鐘
上一站>>CLICK HERE!
【飲飲食食】美孚 東海滬 Shanghai East @美孚廣場
我都問過好多人, 原來好多都唔知呢個隱世地方!
其實就喺大家成日經過既美孚小巴站橋底, 有一條扶手電梯上行人天橋
沿住天橋一直走跟住指示牌步行就到
一上到行人天橋就會見到有指示牌!
一直行到見到有個分岔路口靠右繼續行
行到望去左邊見到個好似公園, 有中國古代式既欄杆, 然後向左轉出去
再往山上行2分鐘, 已經見到文化館在對面
今次第一次嚟到呢個地方! 見到好多舊建築同紅磚屋就好興奮
原來呢個文化館都大有來頭
以前分別做過海關分廠、華工屯舍、檢疫站、監獄、傳染病醫院和精神病療養院等等。
到今日成為一個文化館同埋翠雅山房(文化旅館), 真係物盡其用
文化館分咗上、中、下3個區
我哋經入口進入呢層就係下區, 分別有藝術館及保育館
呢度仲有個茶軒(網頁都冇提及過)
裡面你可以同館主講吓茶經, 試吓茶嘆一嘆!
保育館就介紹咗文化館整個演變同歷史
真係冇諗過呢度曾經係監獄同埋精神病院
館外有好幾個俾遊人蓋紀念章既地方!
不過冇提供紙...好在我哋通常都紙不離身!
仲有館外呢個好靚既荷花池, 妹妺即刻好樂意咁企定定俾我影番張靚相
哥哥就拎住部相機猛咁影荷花(我就猛咁提佢唔好咁出一陣會跌落水)
喺下區盡頭除咗有個洗手間仲有個饒宗頤既紀念人像
呢個紅磚牆同埋呢D帶點西式建築既窗框都好靚! 值得喺度影番幾張相
然後右手邊會見到有樓梯上去中區
向後望先發現來有部Lift可以上中區
中區由6座主要大樓構成，包括展覽館、博雅堂、餐廳、演藝廳，修學精舍及文化館的辦工大樓。
大樓內外提供各項設施，計有展覽廳、禮品閣、活動室、演藝廳、文化講堂、藝術工房及會議室等等。
在餐廳與演藝廳中間的中庭位置蓋上了玻璃天幕，成為全天候的戶外活動場地。
香港著名社企機構「銀杏館」為文化館提供餐飲服務。
以上4句都係喺官網Copy出嚟 ^.^
喺中區上面望番落去!
今日正值有活動, 所以中區呢邊有個巿集, 都係賣D手作DIY嘢同埋有D工作坊咁
本來我網上參加咗個水仙花摺紙班
但係因為太早1:30開始同埋長達3小時到4點幾...(主要對象都係大人)
所以我最後都冇出席個工作坊
可能因為今天有少少雨同埋宣傳唔多, 所以好少人到場參觀
銀杏館對出有個露天茶座可以俾人喺度嘆吓茶休息吓
再行過銀杏館到另一邊場館
外面有音樂表演
禮品閣呢度有好多嘢賣, 主要都係D俾遊客買既小精品
右邊活動室就由「樂在棋中」社企負責
展出好多香港本地創作人設計既 Board Game
佢哋安排咗一張問題紙, 關於每一款棋既資料
完成問題紙就可以喺部扭蛋機度扭一隻蛋蛋出嚟
跟住會送番D紀念品俾我哋
然後職員姐姐就坐低教我哋玩棋, 佢介紹咗呢隻比較容易入手既「環保棋」同我哋玩
最後哥哥係留言簿度畫咗D公仔送番俾職員姐姐
再去其他館掃一掃....(呢個活動室講武術的)
出番嚟見到有條好靚靚既樓梯
行上去就係上區旅舍喇! 不過我哋冇上去
但係可以下次考慮吓呢邊度住吓當渡假
Photo by CANON 5D Mark III, Len | EF 24-70mm f/2.8L USM
呀劍評語: 唔講真係唔知原來美孚有個咁既地方! 可以係美孚新邨嗰邊食完嘢慢慢行過嚟, 可以睇吓古蹟認識歷史, 仲撞啱今日有活動, 可以做同姐姐捉吓棋真係幾悠閒!
饒宗頤文化館 簡介
饒宗頤文化館的前身是荔枝角醫院，是香港特區政府發展局「活化歷史建築伙伴計劃」的首批活化項目，由非牟利慈善機構「香港中華文化促進中心」直接參與修復、活化及日常營運，以當代中國國學大師饒宗頤教授之名，命名為「饒宗頤文化館」。
地址
九龍青山道800號
辦公時間 星期一至六 上午10時至下午6時
開放時間 星期一至日上午8時至下午10時
下區展覽館開放時間 星期二至日上午10時至下午6時 (逢星期一休館)
辦公時間 星期一至六 上午10時至下午6時
開放時間 星期一至日上午8時至下午10時
下區展覽館開放時間 星期二至日上午10時至下午6時 (逢星期一休館)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。