景賢里早幾年已知道開放給巿民入內參觀，今年終於有呢個機會嚟睇一睇摸一摸! 喺呢度有好多地方嘅建築都令我諗起鄉下......
呢個開放日其實係一個多月前就要去指定地點攞飛
大家要留意佢哋開放日日期同埋派發入場券地點
我今次就喺十一月頭嗰陣就喺文物探知館拎咗飛！
呢日我哋晏晝喺Time Square食完嘢就起程去景賢里(我哋拎咗星期六既3:30-5:00參觀時段)
落到地面見到Star War展覽Part 2! 不過我唔係粉絲, 同埋實在太多人好迫...
去到利園山道等26號專線小巴上司徒拔道
我哋等到第三架先有得上
但係因為實在太塞車所以我哋等咗好耐, 差唔多等咗半個鐘
不過芊芊啱啱瞓咗, 所以我哋當俾時間佢瞓覺
26號小巴係可以直達景賢里門口落車(大約15分鐘....都係因為塞車)
因為太多人企喺牌扁下影相, 所以我哋先入去參觀, 臨走先補影番張相
職員睇過我哋既飛之後就放我哋入去, 係唔會收咗張飛!
入到嚟從旁邊望落去就見到個私家泳池!
嘩真係好大! 好似個標準50M池咁
原名禧廬，係一座有78年歷史的嶺南大宅，建於港島山邊的歷史豪宅之一
我喺度幻想如果我有個咁大既屋企, 究竟要請幾多個工人先夠?
行到前園有個大水井(當然依家已經封咗啦)
即刻令我諗番起細個喺鄉下打水玩!
所有既建築都好復古, 其實前身有好大部份既地方都毁壞咗
只不過經修復後靚仔番哂!
職員已經設定咗條參觀路線
我哋由右手邊樓梯開始行起上到二樓
入到嚟大屋既上層, 唔單止屋裡面既設施好有懷舊Feel
就連天花同地板都好有特色
有D房間設有展板講述大屋的結構
真係越行越有以前集古村的味道!
真係每一個你視線接觸到既地方都有設計
對眼都忙到停唔到!
喺二樓對出望番落去地下花園, 個View真係好靚!
最靚可以話係呢個廁所, 咁大真係可以喺度開Party都得!
但係開大嗰陣我覺得好冇安全感....
廚房都好大, 可以喺度煮幾十人飯都夠位!
我哋沿路落番去地下
你睇吓就連你腳板踩住既樓梯級都係Pattern! 你贏
出到後園我哋估計呢個應該係養雞的吧!
真係希望香港可以保留住多D舊建築
等下一代都可以認識上一代既香港
不過呢D開放日一年得嗰幾日真係唔多夠
比較資料性既展覽就全部設置喺最尾尾呢個地方
所以都冇咩人行! 香港人似乎都係唔太鍾意睇字
大約半個鐘都行哂, 我哋就準備離開!
因為冬天過嚟都幾大風有D凍
最後補番張Cover相就離開景賢里啦
起初芊芊唔肯影, 一請佢食塊芒果乾就即刻乖乖企埋去...(現實但可愛)
我哋喺門口同樣落車的地方等小巴落山
Photo by CANON 5D Mark III, Len | EF 24-70mm f/2.8L USM
呀劍評分: 7分
呀劍評語: 果然修復得好靚! 而且各方面都安排得好好, 行得好舒服, 唔逼人! 去開銅記搭個小巴上嚟行吓都唔錯, 不過記住要留意網上公佈開放日日期同拎飛日期地點!
景賢里公眾開放日 簡介
景賢里是以中國文藝復興風格建造、糅合優秀的中西式建築特色的罕有例子。這種中西結合的風格，令該建築物在香港成為一幢罕見、出色的建築藝術品。
地址
司徒拔道45號景賢里
公眾開放時間(留意公佈)
每個公眾開放日分為四節，分別為上午9時30分至11時正、上午11時正至下午12時30分、下午2時正至3時30分及下午3時30分至5時正。已領取入場券的人士，請於獲分配的參觀時段前往景賢里。
免費參觀
新巴15號線（中環 —— 山頂）【白普理小學下車】
新巴15號B線（灣仔（會展新翼） —— 山頂）（只於星期日及公眾假期提供服務）【白普理小學下車】
專線小巴26號線（銅鑼灣利園山道 —— 景賢里）【直達景賢里】
網址
https://www.heritage.gov.hk/tc/whatsnew/events_44.htm
電話免費參觀
交通
新巴15號B線（灣仔（會展新翼） —— 山頂）（只於星期日及公眾假期提供服務）【白普理小學下車】
專線小巴26號線（銅鑼灣利園山道 —— 景賢里）【直達景賢里】
網址
https://www.heritage.gov.hk/tc/whatsnew/events_44.htm
2848 6230
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。