【親子好去處】荔枝角飄雪天台花園 Snowy Garden @D2 Place

傳聞中D2 Place有個飄雪樂園，不過同事同我講好流...唔好抱咁大期望，本來冇諗過嚟，不過今日經過開而哥哥又話想睇吓，所以就上去望吓啦！可能會有Surprise呢！

荔枝角係我經常出入嘅地方

D2 Place更加係我睇住佢起睇住佢開始嘅商場

呢個10樓天台花園我都曾經去過，如果大家喺呢頭開工，秋冬時分食完個晏上去坐下都唔錯㗎！

我哋由荔枝角港鐵站D2出口上嚟，大家如果想直到天台花園就唔好經商場入去

可以從側邊商業中心入口直接上到10樓

搭到上10樓跟住指示牌行到後樓梯上到天台

我哋嚟到嘅時侯仲係日光日白，當時都差唔多5:40，仲有20分鐘就會開始飄雪(6pm-10pm)

我哋都較早一批上到嚟所以好少人，我哋先排咗隊同天台中間個大聖誕裝置影番張相

當時只係3-4組人排緊隊，所以好快就到我哋喇

就咁睇個聖誕裝置又幾靚！可能入夜影會仲靚...

去到裝置後面我哋見到有個大發射器，相信就係一陣間用嚟噴雪用嘅

隔離仲放咗一大桶望落好似棉花嘅泡泡，一陣就會倒落去等個超級風扇射上天

去到5:45個天都就嚟黑哂！到咗5:55即刻黑埋...真係快到你唔信

從裝置後面睇個D2 Place招牌Foam board居然咁求其....

睇到呢個穿崩位覺得有D唔Pro

天黑後同個裝置再影吓相先

(因為冇嘢做...到咗6:00但係都未開始噴雪)

跟住大概6:10終於有其中一部機開始噴雪啦！

不過嗰部唔係太勁，喺天台嘅左邊射上天

因為D彷雪要靠射燈射上天先會見得清楚，所以側面嘅燈唔夠多，所以就比較難睇到

跟住個閃燈唔知做咩失咗靈...不過影出嚟又幾型，所以Keep番呢張相

我哋走到去射燈前再影，終於若隱若現咁睇到少少飄雪啦

不過唔知係咪個工作人員唔想射死一邊

當我哋走到去最多個位，跟住又冇咗...發現佢搬龍門射咗去第二度

當我哋追住個噴雪機來回一兩次之後，裝置後面嗰部勁嘢終於起動

隨即變咗好似置身雪地咁！

你睇佢噴到成頭泡，真係可以即場洗番個頭

最後喺度徘徊咗陣，逗留多10分鐘就番落去lu

跟住我哋喺二樓出，因為商場同步喺二樓攪咗個復古巿集

我哋行咗一個圈見到冇咩啱就快閃走人

Photo by CANON 5D Mark III, Len | EF 24-70mm f/2.8L USM

呀劍評分: 6分

呀劍評語: 呢個Marketing厲害「低成本，高效益」估唔到有咁多人嚟望一眼！可能宣傳又做得好，都幾多人知道呢個盛事！當然大家上到嚟之後喺離開嗰陣都會cher住走(喺我走嘅時侯聽到附近嘅人嘅反應)，不過如果順路嘅話上去睇吓影吓相都OK嘅(專登嚟就唔駛喇)

荔枝角D2 Place商場Snowy Garden 飄雪天台花園簡介

位於荔枝角的D2 Place商場於2015年聖誕打造全港首個「Snowy Garden 飄雪天台花園」，自12月起每個星期六及日晚上在D2 Place ONE天台花園都有浪漫飄雪，場內更設有一個約3米高的巨型水晶球，聖誕氣份十足，是香港少有的親子聖誕好去處。

地址

荔枝角長義街9號D2 Place ONE天台花園

日期

2015年12月5日至27日每逢星期六及日

免費參觀

交通

港鐵荔枝角站D2出口

網址
http://www.d2place.com/
https://www.facebook.com/D2Place/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。