今日嚟個短線遊, 因為家長日見完老師有時間就帶他們去朗豪坊睇Monchhichi，夜晚都煮唔切飯所以就順帶喺朗豪坊搵個地方醫肚 -「南小館」
上一站>>CLICK HERE!
【親子好去處】旺角 朗豪坊 Monchhichi展覽
去到嗰陣7:00都唔多人唔駛排隊! 去到直入坐低
呢度其實同Food Court 係黐住, 所以都幾多人, 有D嘈!
每一個侍應都係後生仔女, 似全部都係90後, 就算經理級都係好後生!
我估「南小館」係「小南國」旗下走年青路線吸引後生顧客!
店內環境開揚(因為周圍都幾暗, 一定要用閃燈, 但係好似比較揚咁, 所以冇影環境相)
我叫咗幾樣嘢食! 等緊佢上菜之際, 大家去吓厠所, 食吓前菜先! (茶位$6個，前菜$9)
佢哋兩個見到有花生食即刻好開心不停嘈住要食, 當然提倡健康既媽咪就要Stop佢哋啦!
我叫咗一碗酸辣湯($38)俾老婆飲同豆漿($12)! 酸辣湯味道屬一般, 我唔係咁鍾意見到有辣椒油浮面囉
同埋明明喺餐牌裡面碗湯唔係咁既樣....(係一個靚靚湯碗盛裝住, 以為好大碗)
點知嚟到係一個咁既麗湯盅! 喂, 你犯咗商品說明條例喎...
望上牆見到呢個裝置, 以為係裝飾, 但原來真係可以俾人Order! 嘩 $12 一支可樂!
先嚟到既係呢份炸豬扒菜飯, 上海嘢當然正宗名叫「排骨菜飯」($58)
因為老婆又鍾意食呢D手抓餅($28), 所以我又叫咗一份, 唔油夠熱, OK!
然後到呢碗蝦肉餛飩湯麵($43), 麵係用上海麵, 但係我覺得"間"水味少少重, 水餃可以, 蝦好大隻!
另外配碟雪菜可以自行加!
小籠飽唔少得($38)!! 熱辣辣, 夾起唔易爛, 唔會穿! 裡面超Juicy有湯! 味道屬正常
其實佢有好幾款小籠包, 我叫咗最Common嗰款!
最特別係呢個鍋貼($36), 唔係鍋貼大王嗰D一隻隻就咁煎, 佢係三隻用個"雀巢底"黐埋一齊!
又好睇又夠特別!
跟住見到呢個係佢推介既生煎飽($38), 所以就叫咗個試吓
我就覺得一般, 都唔夠祥興記嗰D好食
可能朗豪坊見天氣凍, 室內D空氣都唔係太流通, 冷氣好似唔多夠, 攪到坐得耐都好焗!
最後大家都食得飽飽就行番屋企lu!!!
Photo by CANON 5D Mark III, Len | EF 24-70mm f/2.8L USM
呀劍評語: 價錢唔貴, 食物OK, 環境舒適, 侍應態度不錯!
推介
生煎包 / 招牌生煎包 / 小籠包 / 南小館四小拼 / 鮮肉小籠包 / 南小館甜甜拼 / 豆漿勝瓜 / 椰香紅棗糕
地址
旺角朗豪坊4A層07號店
開放時間
星期一至日: 11:30-23:00
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。