【親子好去處】太古太古城中心誠品生活(誠品書店) eslite

今日年廿九, 羊年最後一日! 要番呀媽度食個團年飯

一於順道去太古城誠品行個圈!

我哋上到呀媽屋企放低哂D嘢(包括哥哥, 佢話要留低同堂哥玩)

我哋就同芊芊一齊行去太古行街街!

霎時發現我哋兩公婆原來好少同芊芊三人行

沿路經過噴水池, 芊芊睇得好開心! 我又可以影吓靚相

行到誠品門口, 第一時間問吓職員個兒童館喺邊度?!

原來唔喺地下嗰層, 喺一樓, 一入到去我已經俾門口呢個旋轉大裝置吸引!

有好多款唔同木製既音樂盒! 好靚音樂好好聽....其實我係一個「木控」!

再行入D就見到呢個「誠品兒童館」裡面放咗好多兒童書籍,

中間仲有一個地方係俾小朋友可以玩吓木製玩具!

人唔算好多, 一行埋去就可以有個位坐低慢慢玩!

老婆就可以安心去睇書! 我就陪住芊芊玩車車

之後我就同芊芊去另一邊坐低喺地下睇書

扮吓「文青」....呀唔係, 應該叫「文童」先啱

我揀咗本問答兒童書俾芊芊, 書每一頁都有一條選擇題, 連住下面有3個答案, 分別係3個窿!

俾小朋友答既時侯可以用手指穿入去個窿度, 呢個設計幾特別,

可以令平時唔鍾意睇書既小朋友嚟講, 有得睇又有得玩! So Good!

Photo by CANON 5D Mark III, Len | EF 24-70mm f2.8L USM

呀劍評分: 6分

呀劍評語: 呢個誠品兒童館意念好, 不過俾小朋友坐同玩既地方太小, 通道算窄! 如果相比起上次介紹Time Square個MetroKids, 就只屬一般!

誠品生活 簡介

誠品生活太古店，集合閱讀與生活三大特色，擁有豐富藏書、最多生活品牌、最大兒童閱讀空間，打造家的延伸，享受閱讀生活零距離。

地址

太古城中心一期 G/F, 074 & 1/F, 144

營業時間

上午10 時至晚上10 時

電話
3419 1188

網址
http://www.cityplaza.com/zh-HK/shopping/Eslite.aspx
https://www.facebook.com/eslitehk

(以上資料更新至文章當日)

Facebook專頁: 呀劍萬帥 kimfamilytraveltips

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。