【親子好去處】九龍圓方 Elements The Rink + Triple-O's

今日係年初二, 亦係哥哥既6歲生日

但係今年哥哥預先話唔要生日禮物, 所以就帶佢嚟佢最鍾意既冰場踩冰!

我哋搭港鐵去到九龍站, 直接上一層轉右一直行到尾

就會見到扶手電梯落番下一層就係冰場啦!

起初睇以為冰場叫做"Yink"原來唔係"Y"係"R"! "Rink"

個場幾新淨! 面積同西九, 太古差唔多, 唔算好大!

起初2點幾去到都好少人, 跟住慢慢3點後就超多人

我哋一去到就遇到有人同職員鬧交, 話說Rink係需要人用八達通Do入閘

有一家人帶住一個手抱BB, 但係職員都要求佢哋Do入去, 個爸爸就發脾氣話個BB唔踩冰點解都要Do入去, 個職員堅持話以人頭計, 每人頭都要用八達通入閘

因為芊芊都係冇八達通, 所以我只好行番去港鐵站買一張用嚟入閘(職員又建議我買冰場專賣的成人八達通$39, 我當然冇理佢)

我唔知最後件事點...不過我覺得呢個規矩真係有D怪, 手抱BB都要八達通入閘?

其實我唔知道第一道閘究竟計唔計錢, 總之入到去櫃枱就度鞋拎鞋, 租用企鵝仔!

之後著好鞋, 拎咗企鵝海豹之後就要再用八達通Do多次入閘先落到冰場

(我估呢個閘就係真正開始計錢, $1 1分鐘)

如果要再離開冰場出去休息就要Do番出閘, 其實我覺得好亂, 同埋喺閘口既職員都掛住玩電話, 都唔理有D人用職員閘口出入, 冇Do入閘....

切記Locker係$10鎖一次開一次

起初以為芊芊會唔肯玩, 因為我估佢著咗溜冰鞋會唔舒服

點知佢覺得好得意都唔覺得辛苦! 跟住梗係出發落冰場前影番張相先啦(因為驚芊芊突然又唔敢行出去)

真係玩到唔捨得走, 差唔多玩咗粒半鐘, 最後離開我哋就喺冰場外面既Triple-O's食個下午茶

我叫咗個芝士漢堡套餐$80, 佢哋玩完之後都特別肚餓!

如果大家都食過, 一見到有片青瓜放喺個飽上面就一定知道係Triple-O's

佢哋兩個不斷喺度整怪樣, 真係激死人又攪笑!!!

食飽飽之後我哋就順路行上去圓方上蓋遊樂場玩!!!GoGoGo

下一站>>CLICK HERE!
[親子旅遊] 九龍九龍站圓方上蓋公眾兒童天地

Photo by CANON 5D Mark III, Len | EF 24-70mm f2.8L USM, iPhone 5s

呀劍評分: 8分

呀劍評語: 覺得員工態度麻麻地, 當你去到唔係好知個流程既時侯, D九十後職員(全男班)會恥笑你或者嚴你煩囉! 踩冰就正正常常冇咩特別, 有得租用企鵝等輔助工具係賣點(不過有D貴)

地址

香港九龍尖沙咀柯士甸道西一號圓方商場地下層

營業時間

上午10 時至晚上10 時

收費

$1/分鐘(特別日子時段價錢為$0.2/分鐘)

租用企鵝 $100($100按金)
租用海豹 $150($100按金)
仲有其他滑雪輔助動物租用, 租金$100

電話
2196 8016

網址
http://www.rink.com.hk/

(以上資料更新至文章當日)

Facebook專頁: 呀劍萬帥 kimfamilytraveltips

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。