今日有機會嚟到愉景新城, 為咗玩要極速食個晏, 就揀咗呢間金助日本料理!
我哋本來在L1層周圍睇吓有咩想食
見到癲噹主題餐廳! 不過睇過個餐牌好似冇咩特別好食, 驟眼睇幾似麻布茶房格局!
所以只係同門口幾隻癲噹影張相呃吓Like算數
隔離有間Fullhouse, 不過哥哥話想食蟹柳壽司, 所以就留番下次先嚟食
見到前面有一間日本嘢, 見佢有拉麵烏冬又有壽司, 就入去坐低食喇!
店內環境幾好, 坐得幾舒服!
我叫咗一份窩燒牛肉烏冬定食 $90, 價錢嚟講都還可以, 而且仲超快上菜! 簡直係「速食」
烏冬個樣麻麻地, 好似好多油咁! 有隻溫泉蛋, 但係流超多汁, 我覺得似打隻蛋落去煮兩煮就算
牛肉都係正常質素! 有隻浸到淋哂既冬菇, 同埋金菇
烏冬OK, 有o趙口, 煙煙韌韌! 但又有D覺得Over咗! 有種未熟感覺
呢個定食跟咗六件壽司, 三文魚、帶子、吞拿魚各兩件
同相一樣完全冇光澤, 好似擺咗好耐咁! 食落「鞋拾拾」, 飯唔新鮮!!!
當然哥哥都係食得津津有味, 大家要留意座位方向, 我唔小心俾佢坐咗梳化位面向大電視攪到...
Photo by CANON 5D Mark III, Len | EF 24-70mm f/2.8L USM
呀劍評語: 罐頭嘢! 食咗之後連「好食」兩個字都冇出現...但係又冇出現「難食」呢兩個字
地址
荃灣荃灣青山公路398號愉景新城1樓1019號舖
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。