【親子好去處】太古玩具反斗城 Toys"R"Us 烈車戰隊特急1號見面會

烈車戰隊特急1號我愛你!!

今次玩具反斗城設了幾次的烈車戰隊見面會, 分別喺唔同既日子同分店同大家見面

其實哥哥4歲開始就有睇《特命戰隊》, 之後到《獸電戰隊》, 今期嚟到《烈車戰隊》

哥哥係忠實粉絲! 前兩次既見面會我哋都錯過咗, 今次一定唔可以錯過!(其實係順便番嫲嫲屋企食飯)

見面會3點先開始, 我哋早15分鐘去到現場

我哋提早問職員到時見面會既地方會喺邊, 咁就可以早少少排隊同影相走人!

時間尚早, 同哥哥睇吓玩具! 哥哥最乖既地方就係好少會扭計買玩具, 可能從小就教佢

店內有個姐姐(唔係著 Toys"R"Us制服的) 在派《烈車戰隊》的刊物, 背面有張特急烈車車長證

得知原來見面會既地方就係《烈車戰隊》玩具架呢條咁細既通道上

我哋提早少少排隊!

如果早知另外兩間分店有齊五個特急戰士, 我就安排吓時間去啦!

等咗10分鐘度終於見到特急1號現身啦!

無錯, 就係咁樣影咗張相就要拜拜....

覺得好似唔夠喉, 喺隔離望多佢兩眼...

最後哥哥用佢零用錢買咗兩樽泥膠, 佢話要番屋企送俾妹妹同佢一齊玩! (我心諗你唔同佢搶都偷笑)

之後有D時間我就同佢出咗去鰂魚涌公園放咗陣電, 呢度唔可以叫做好"大", 但一定可以話佢好"長"

呢度除咗香港人仲有好多日本人同外國人喺度, 唔知係咪咁所以D小朋友都玩得比較斯文

Photo by CANON 5D Mark III, Len | EF 24-70mm f2.8L USM

呀劍評分: 7分

呀劍評語: 最理想當然去海港城或愉景新城, 因為一次過可以同五個特急戰士見面同影相!

地址

太古城道 18 號，太古城中心1/F, 103A 號舖 (港鐵太古站E出口)

交通
(港鐵太古站E出口)

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。