【親子好去處】沙田香港文化博物館兒童探知館「農村入廚樂」活動 Children's activity "The Joy of Country Cooking" @Hong Kong Heritage Museum

嚟到文化博物館一定唔少得俾佢哋去兒童探知館玩吓，喺冇準備之下發現有個特備節目叫「農村入廚樂」喎！

呢個活動係希望小朋友認識一下盆菜習俗，仲可以用俾佢哋好似煮飯仔咁用玩具製作盆菜

不過呢個活動只係俾小朋友自己入去，大人只好喺外面望入去！活動只要喺入口處報名就可以，如無意外應該都唔會爆滿(因為唔係特別多宣傳的活動...嘻)

芊芊第一次嚟探知館玩, 哥哥好似導遊咁帶住呀妹呢度玩吓嗰度玩吓!

哥哥起初開開心心帶埋妹妹一齊捐咗入去個金魚缸度, 跟住發現好逼又要妹妹出去!

之後哥哥已經唔知跑咗去邊度玩，呀芊反而同哥哥玩完個魚樂無窮之後，就拉住我入去小房間睇書同玩砌圖, 所以話囡真係唔同D!

哥哥就一支箭去遊戲機前面玩，都係一些環保意識的小遊戲，唔通真係男仔鍾意打機多D

過無幾耐就2點開始農村活動喇！媽咪喺外面望兩望，睇到職員姐姐先問小朋友一些問題，我估應該係「知唔知咩叫盆菜？食過盆菜未？盆菜有咩餸？」等問題

估唔到真係做得幾足喎！就連放柴入灶去燒柴，用扇撥火等步驟都有

之後仲要斬燒肉，落鑊炒鹹魚等... 最後要砌好個盆菜上枱

學習過程都幾得意，如果可以家長一齊入去玩就好！活動45分鐘，完咗仲可以同小朋友喺裡面影吓相, 仲有一份小禮物

Photo by CANON 5D Mark III, Len | EF 24-70mm f2.8L USM

呀劍評分: 7分

呀劍評語: 可以俾一班小朋友玩吓認識吓傳統盆菜習俗, 又有得影吓相! 最緊要係家長就可以抖番45分鐘先接番佢, 呢個先係重點....嘻嘻!!

「農村入廚樂」活動簡介
新界鄉民在喜慶活動及節日時，有「吃盆菜」的習俗。小朋友可以藉著活動認識本地傳統飲食文化，更有機會運用模擬食材及用具炮製模擬盆菜，體驗村民分工合作的精神，共享入廚樂。

地址
香港新界沙田文林路一號

日期
2016年4月1日至2016年6月30日（逢星期六、日）

時間
下午2時至2時45分

地點
地下兒童探知館

對象
4至8歲小朋友

參加方法
名額每節10位小朋友，先到先得。請於活動開始前30分鐘在兒童探知館入口處報名。節目於展覽館內進行，參加者須先購買博物館入場券或持有效博物館通行證（博物館免費入場日除外）。

交通
乘搭港鐵至車公廟站﹝A出口﹞，再步行約5分鐘；或至沙田站﹝A出口﹞，再步行約15分鐘，便可抵達。

聯絡電話
2180 8188

電郵
[email protected]

網址
http://www.heritagemuseum.gov.hk/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。