【親子好去處】九龍灣麥當勞 McDonald 「世界大笑日」大笑瑜珈主題派對 @德福廣場

聽見麥當勞個名, 你一定話唔好俾小朋友食咁多, 但係有D活動都幾值得參加架喎!

童年係應該充滿歡笑, 但係哥哥就係一個充滿愁善感既人, 就好似InsideOut個《呀愁》一樣

得知麥當勞今日舉行一個叫「大笑瑜伽」既活動, 就參加一下來個親子活動!

其實全港有多間分店都有舉辦這個活動, 但係我就參加咗德福分店的! 因為覺得佢新D又大D

德福分店劃出一個比較大既地方用作此活動, 用屏風間開!

我哋搵咗個地方先坐低, 職員俾咗張餐牌我哋Order嘢食!

今次活動以人頭計每位$40(其實一直以為係$40一大一小, 所以先參加)

不過唔嚟都嚟咗, 就付報名費同埋先點咗兩個餐! (每人收費包一個餐)

其實個餐正常係完咗個活動先有得食, 但係我哋好肚餓, 活動又未正式開始, 所以叫職員先俾我哋食先!

活動開始了, 麥當勞姐姐先叫大家圍個圈做一做熱身運動!

教小朋友來個深呼吸, 谷住唔好呼氣.....跟住用大笑方式呼番啖氣出嚟

起初以為芊芊三歲人仔唔明姐姐講咩, 但係原來佢明喎仲谷到面都紅哂, 笑死我哋

之後要搵個Partner一齊做, 佢哋兩兄妹玩得好開心, 隔離妹妹唔想搵人做Partner所以悶悶不樂

當然跟住個環節就係要搵D小朋友出嚟做吓示範攪吓笑啦!

芊芊繼續整蠱做怪!!!

然後仲要大家企起身圍圈行跳住結他他舞, 小朋友當然邊跳邊笑~ 大人就....哈哈哈

做完一大輪大笑運動同遊戲之後, 大家可以番位坐食麥記餐! 其實正常一個餐都要$30幾蚊

所以可以話加多幾蚊可以有個活動, 都好似幾抵呀!

最後仲每人有一張Cert! (事前職員已經問我取了所有名字)

跟住原來仲有小小遊戲俾小朋友, 等大人可以乘機坐低抖抖

姐姐同佢哋玩「糖黐豆」, 芊芊玩得好投入, 嬲人真係有哂表情!

最後皆大歡喜, 仲有小禮物送俾小朋友同大人!

Photo by CANON 5D Mark III, Len | EF 24-70mm f2.8L USM

呀劍評分: 9分

呀劍評語: 當然唔鼓勵食咁多麥記啦, 不過如果假日冇咩做, 只得少少時間, 都可以參加吓附近麥當勞既活動, $40有個餐, 有遊戲同埋禮物都算係一個幾好既親子活動(如果麥記姐姐可以再投入D同多D笑容會好D囉)

麥當勞「世界大笑日」大笑瑜珈主題派對 簡介

每年5月第一個星期日是世界愛笑日。「玩樂瑜伽」跟麥當勞一起在三十多間餐廳分享大笑。作為大笑導師，最快樂的事莫過於見證各位參加者在呆呆樣然後跟我們一起開懷大笑，充滿活力。見證不同的大笑朋友的改變也是我們的滿足感的來源。

地址

九龍灣偉業街33號德福廣場一期F21號舖

營業時間
Mon-Fri: 12:00 pm - 9:00 pm
Sat-Sun: 11:00 am - 9:00 pm

網頁
http://www.mcdonalds.com.hk/ch.html

電話
3709 2004

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。