今日去汀九灣游完個龍舟水就直接搭巴士到愉景新城嘆個下午茶, 揀咗呢間Burger Bus嚟食!
Burger Bus係一間用英倫舊式巴士做主題的漢堡親子餐廳
店的設計都十分吸晴! 小朋友非常鍾意, 又有紅綠燈又有好多巴士!
店不算十分大, 坐滿都係大約三十幾人
點餐要到店外位置, 好似大家樂咁睇咗食咩跟住先付錢
店外都有一個位置讓家長可以泊BB車(其實整個愉景新城所有食肆都有這個泊車位)
店內都放着很多巴士, 可惜唔可以拎落嚟玩!!
仲有扶手釘在天花(不過呢個扶手似港鐵多D喎!)
點餐後職員會送上餐號碼讓你放在桌上, 然後他們會把餐送到枱上! 個號碼夾有一架巴士拓住! 芊芊想將架巴士拆出嚟玩....哈哈
我Order咗一個蕃茄吉列豬扒湯湯意粉($52), 再加$16轉餐, 有海鮮忌廉湯+飲品(+$8轉特飲)
海鮮湯真係幾足料, 每一匙都有蝦, 蜆肉或八爪魚仔! 不過個湯略有一點稀!!! 所以起初見到個湯以為咩都冇, 如果"傑"番少少令材料浮番上面個賣相會好睇D
蕃茄湯意粉普通咗少少, 蕃茄湯不夠濃! 配上兩塊小夾餅, 但係覺得有點格格不入, 吉列豬扒掂, 外脆內軟, 夠熱!! 即叫即炸但少油!
熱朱古力特飲! 好靚呀, 有好多少棉花糖同Cream放在面上
然後又Order咗一個芝士西蘭花焗薯($32), 加上蛋黃醬幾香口, 薯仔心都熟哂幾「林」, 就連薯皮都食得落肚!
再嚟一杯士多啤梨沙冰特飲(跟漢堡餐+$8), 我幾鍾意個透明膠杯! 整體幾好飲, 但係冰攪得唔夠爛!! 飲到低D冰好鬼大粒
店內都有提供小朋友餐具!
重點到啦! 鎮店之寶就係呢個安格斯牛肉漢堡餐($68)! 包都係用上嘉頓(即係超巿)都買到嗰隻飽, 如果可以烘一烘個包面會更好食
另外夾住新鮮生菜蕃咖同埋煙肉, 牛肉咬落唔會一PatPat, 都好有質感有層次, 唔算得上高檔質檔, 但係性價比都高!
配埋格格薯! 特別我想講係包濕紙巾唔應該放埋喺食物上面囉, 就算有包裝你估真係好乾淨咩>.<
好開心佢哋兩個從來都唔會太扭買玩具, 所以每次都無懼嚟反斗城打個轉!
Photo by CANON 5D Mark III, Len | EF 24-70mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 食物質素合格, 特別係安格斯牛漢堡最出眾! 如果可以加多少少巴士玩具車俾小朋友玩更好
地址
荃灣荃灣青山公路398愉景新城地下1066號舖
營業時間
星期一至五: 11:30-21:30 星期六, 日及公眾假期: 09:00-21:30
電話
2242 2798
付款方式
八達通或現金
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。