【親子好去處】沙田粵劇綜藝合家歡節目 @沙田大會堂

今日有機會同埋公公婆婆嚟沙田大會堂睇小朋友做粵劇！仲要係免費入場，無得彈呀！

呢個節目早在幾個月前於網上登記，我一早就留咗好多張飛，諗住實搵到朋友去睇！最後就帶咗公公婆婆同伯娘嚟睇

帶佢哋嚟有個好處，就係佢哋一早到場排住隊先！因為不設劃位，所以我哋就可以霸到個較前嘅位置坐

入到演奏廳前有場刊同好得意嘅粵劇面譜貼紙派發，仲要有一把撥扇同一份粵劇表演嘅歌詞

真係坐無虛席呀！好多一家大細都帶埋小朋友嚟睇

準備開場啦，唔知佢哋兩個捱唔捱到咁耐呢？

首先有D武術功夫睇吓！(我多數都講錯，所以以下我再介紹嘅每個環節講錯咗請見諒)

最期待嘅畫面出現啦！一個一個小朋友擔正做粵劇，先嚟呢齣《鳳閣恩仇未了情》

總共有三套劇目，不過在場職員嚴禁拍攝，所以我就一時時偷雞影幾張(但係主持人又叫大家可以拎起相機影相，都唔知聽邊個?!)

我就唔係太識欣賞，不過見到小朋友咁勇敢站上台板表演，同埋佢哋著嘅衫都好靚，就覺得好好睇！芊芊同哥哥都睇得好開心，冇話悶場郁身郁勢

跟住邀請D小朋友上面著上長長手袖的戲服

個個小朋友都Fing自己手袖Fing得好開心！

然後又有觀眾上台攦長槍，整個表演差唔多一個鐘多D，小朋友都睇得好開心，婆婆同伯娘就一定好開心啦，可以陪住個孫睇粵劇！

所以大家真係要周不時留意住有冇咩免費節目在香港舉行，有陣時都會搵到好嘢！如果冇時間唔緊要，多D留意呀劍介紹啦！

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 8分

呀劍評語: 可以

粵劇綜藝合家歡節目 簡介

今次於「樹睦人和」

地點

沙田大會堂演奏廳

日期及時間
7月17日下午2:00

費用
全免

電話
2691 2937

網頁
www.cantoneseopera.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。