【親子好去處】九龍塘 Disney Tsum Tsum Walk N'Roll Festival @又一城 Festival Walk

多謝又一城邀請今日同小朋友出席又一城Disney Tsum Tsum展覽的率先試玩！一年前錯過了，今次終於有機會參與了。

好在今年再一次舉行，可以一暏7米高Disney Tsum Tsum大型裝置，今年仲識"轉"㖭㗎！

我哋早咗少少到場，所以先在LG2的POP-UP SHOP後同成班小朋友坐地下睇吓電視播的Trailer先！

個故事係講一班TSUM TSUM唔小心跌咗落個爆谷機，經過一陣驚險刺激拯救行動，最後全部跟住爆谷一齊爆番出嚟！完～

因為今日係傳媒試玩，所以裝置全部都沒有開動，如果有機會再嚟可以感受一下轉動時的震撼～「好滾動呀！」中央的鐘樓仲會隨時間跟其他樂器裝置一起演奏交響樂來

「劍球狂熱」

「壽司嘉年華」

兩個揀咗碟吞拿魚唐老鴨壽司嚟影！(大家記住到時唔好爬上去)

「搖滾劇場」，期待呢兩個裝置一齊合奏嘅時侯

請問做咩做個咁嘅手勢呢？沙嘩D吸～

佢哋見到咁色彩繽紛又熟悉嘅卡通人物，即刻猛咁叫我同佢哋影相～

影到唔捨得走...但係都要去另一區睇吓其他嘢，我哋搭扶手電梯上到L2

呢度佈置到成個爆谷機咁！直程係頭先睇到嘅卡通場景

好可愛的TSUM TSUM爆谷！兩個行咗埋去影就好似入咗去一間充滿爆谷的屋裡

估唔到佢哋兩個都鍾意影「到此一遊」相，要同每一個角色影勻！

想得非常周到，場景有多一級讓小朋友站在上面影相！

隔離放咗兩部今期日本最Hit的TSUM TSUM全新街機！各位只要到場讚好TSUM TSUM Festival & 又一城 Facebook專頁，就可以玩一次

哥哥同芊芊反而對遊戲冇咩興趣，只係不停問我點樣可以拎到D扭蛋！(其實我都想問...)

我自問唔係一個潮爸，我真係未玩過TSUM TSUM遊戲！好在今次呀劍帶埋2位會員媽咪去，有佢哋教我點玩

哥哥同妹妹合作一齊玩！可惜妹妹未夠高，只可以拉到最底嘅TSUM TSUM！

超專業的媽媽...有佢幫手哥哥差少少就拎到第一位！

玩完之後我哋又去到UG層(即係溜冰場嗰層)，呢度有個小POP-UP STORE，售賣TSUM TSUM嘅TOMICA車，仲有幾款全新造型在今次展期推出

哥哥欣賞緊呢個唔知有幾多層嘅路軌！睇到唔捨得走，外面仲放咗兩部大電視播放住myTV Super Channel的Disney Movie！

跟住再行到上G層，呢度有得影貼紙相，自製姓名貼紙同埋銅幣製作！

我哋先影貼紙相先！(售價$40一張)

哥哥同芊芊各拎住4個$5入落去貼紙機(咁都有得爭...)

揀好貼紙相嘅相框(唔好太心大心細呀，揀相框都有時間限制㗎！)

我呢個老土爸真係𤓓，成十幾廿年未影過貼紙相，一開始影頭1張就失咗手(每次有2個shots)

然後我哋就試埋製作姓名貼紙，好簡單只要輸入自己姓名(中英皆可)，然後選擇既定字體，按「打印」便可以了！

最後落番去POP-UP SHOP行個圈，場內所有TSUM TSUM產品都好得意好吸引，少D定力真係會忍唔住想買哂番屋企！

多謝邀請之餘，仲超開心收到咁多禮物！大家都快D呢個暑假至8月16日去搵TSUM TSUM玩番日啦！

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 有小朋友最熟悉的卡通人物，見到會轉動嘅大型裝置真係會開心到彈起！大個D嘅小朋友一定捕住喺部街機度玩，如果玩齊咁多個區域加埋行街食飯，真係可以燒一日！

Disney Tsum Tsum Walk N’ Roll Festival 簡介

以深受大人及小朋友愛戴的Disney Channel Tsum Tsum卡通動畫作設計藍本，打造全球最高7米的Disney Tsum Tsum大型裝置及故事場景，並首次注入富動感的機動元素。源自日本的Disney Tsum Tsum推出以來迅速「滾動」全球，其於Disney Channel播放的卡通動畫亦深受小朋友及大人喜愛，又一城特別與 Disney 攜手將其最新的卡通動畫活現大家眼前，「滾動」場景包括Disney Tsum Tsum鐘樓(Clockwork Tsums)、搖滾劇場 (Rock the Amphitheater) 、劍球狂熱 (Kendama Fever) 及壽司嘉年華 (Sushi Carnival) ，更首次注入機動元素，動感無限，與 Disney Tsum Tsum迷齊齊互動！

地點

又一城 LG2層、G層、UG層及L2 層

展覽時間
上午10時至晚上10時

電話
2844 2222/5500 2342

網頁
www.festivalwalk.com.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。