乜嘢令我哋又嚟到科學館？就係因為臭囉！點解咁臭都嚟？因為臭味相投囉！
今日等兩隻化骨龍放學之後，就帶住佢哋同朋友仔一齊嚟到科學館聞臭味
事源科學館最近攪咗個古怪動物園做主題嘅展覽
適逢係香港科學館嘅25周年！但係妹妹唔係太俾面
今日係星期三係免費入場，不過古怪動物園都係需要買飛入場，大人$10，小童就只需$5，妹妹3歲免費入場
一嚟到就整古整怪嘅哥哥！
搭扶手電梯落去地下低層，就係古怪動物園入口！
一見到就係呢隻鸚鵡先生歡迎大家入到嚟古怪動物園
最吸晴都算係呢隻大烏蠅，佢一跟郁仲識講嘢
謎底終於解開啦，依家知道烏蠅點解咁鍾意「嬲」住D屎啦
仲有呢度有隻牛，講解牛係點進食！點樣用四個胃嚟進行反芻
哈哈哈！仲有講解吓動物氣味嘅重要性，等哥哥試吓聞一聞話俾大家知香唔香先
咦好核突呀，乜我肚裡面有條咁嘅蟲㗎？！
場內的其他裝置都設計得幾得意！
我好鍾意呢個介紹吸人血昆蟲的部份，佢個枱面就係一隻手，模彷被昆蟲吸吮的情況，又可以讓小朋友移動控製桿，增強了互動性！
仲有呢度有個搶答小遊戲，大家望着上面的熒幕，鬥快估一估是甚麼顏色，再按下前面的製鬥快搶答，答中的話前面的圓柱體就會向上升一級！
再進入另一個區域有更加多互動遊戲設施！
小朋友可以伸手入去摸摸不同動物的(模擬)皮膚質地，然後再估一估係邊隻動物
離遠未開始玩都已經見到前面呢架潛水艇上面隻大八爪魚
不過我哋先排隊玩芊芊最鍾意的蛙蛙遊戲，遊戲只需要將波波放入這個發射器，跟住射出波波入洞就得㗎啦，簡單又易玩！
嚟到八爪魚下面排隊，其實都仲未知玩乜...嘻嘻！
幾有心思嘅設計，排住隊都有嘢學！可以認識吓海洋生物，等你排緊隊都冇咁悶
原來潛艇係一個瀡滑梯嚟嘅！真係啱哂芊芊，兩個乖乖的放好自己對鞋
入到嚟潛艇第一時間就跑去開船，睇住熒幕裡面的海洋片段，就好似自己揸緊架潛艇一樣！
不過略嚴展板太多字，同埋因為怕擔延後面排緊隊嘅家庭，所以唔會有機會慢慢睇！
在潛艇逛逛後就吹佢哋快D爬上去條蛇度瀡出嚟！無錯佢哋瀡出嚟就到咗「蛇口」啦
呢條水蛇個樣傻更更咁幾攪笑！
仲有另一邊有個冰天雪地區域，又係有隊照排唔知玩乜！幸好今日唔算多人，每一個遊戲都係排3-4分鐘，好快就有得玩！
原來裡面係俾小朋友搵屎！呢度幾隻唔同嘅動物配對地上面唔同嘅便便！
呢個動物園果然夠哂古靈精怪！唔係講臭又係講屎！
好先進嘅科技呀！只要用瞄準器對住動物掃描一下，然後再瞄準地上嘅屎掃描一下就可以配對成功！
4隻動物得企鵝先生係識得眼眨眨頭拎拎
就連芊芊咁細個都玩到！真係夠哂老少咸宜，呢個主題展覽真係適合一家大細
離開咗呢個咁古怪嘅動物園之後，我哋行番出嚟見到「兒童天地」，原來搬咗落嚟呢一層，3樓就做緊工程，唔知會改成點呢？
一場嚟到就喺度俾佢哋玩一陣啦！
有好多設施之前都未玩過一於今次俾佢哋玩番夠本
本來都想走㗎啦！點知呀妹又發現咗有個illusion，所以又入去打咗個轉！
呢張相我要幫佢起番個題叫「芊與千尋」，邊個先係真 ‧ 芊芊呢？
最後我哋好滿足咁離開番歸lu...
Photo by CANON 5D Mark III, Len | EF 24-70mm f2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 每次嚟科學館都真係覺得抵到爛，可以少少錢玩成個下晝，每年我至少都會嚟一次！
古怪動物園 簡介
地點
古怪動物園 簡介
動物世界多姿多采，科學家在探索動物的習性和行為時，發現很多有趣和鮮為人知的現象，這些現象對人類來說可能是不可接受的行為，但對於動物而言，這些行為和習性是牠們生存之道。
香港科學館特備展覽廳香港九龍尖沙咀東部科學館道二號
開放時間
星期一至三、五：上午10時至晚上7時
星期六、日及公眾假期：上午10時至晚上9時
星期四（公眾假期除外）休館
展覽日期
2016年7月1日 – 11月2日
票價
成人$30, $21#, 小童$15*（星期一、二、五、六、日及公眾假期，票價已包括參觀常設展覽廳）
成人$10, $7#, 小童$5*（星期三）
#20人或以上於同時段參觀的團體之標準票特惠價
*適用於全日制學生、殘疾人士（及一名陪同的看護人）及六十歲或以上高齡人士 博物館通行證持有人及由攜票成人陪同參觀的四歲以下小童免費參觀 星期三免費入場安排不適用於此展覽
電話
2732 3232
電郵
[email protected]
網頁
http://hk.science.museum
開放時間
星期一至三、五：上午10時至晚上7時
星期六、日及公眾假期：上午10時至晚上9時
星期四（公眾假期除外）休館
展覽日期
2016年7月1日 – 11月2日
票價
成人$30, $21#, 小童$15*（星期一、二、五、六、日及公眾假期，票價已包括參觀常設展覽廳）
成人$10, $7#, 小童$5*（星期三）
#20人或以上於同時段參觀的團體之標準票特惠價
*適用於全日制學生、殘疾人士（及一名陪同的看護人）及六十歲或以上高齡人士 博物館通行證持有人及由攜票成人陪同參觀的四歲以下小童免費參觀 星期三免費入場安排不適用於此展覽
電話
2732 3232
電郵
[email protected]
網頁
http://hk.science.museum
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。