「我要我要呼叫......BEYOND!!!」今日嚟到Beyond x HMV主題餐廳, 同芊芊一齊Rock&Road!
芊芊見到呢隻狗狗就行埋去攬住佢! 其實我都唔知幾時開始hmv用咗呢隻狗狗做代言人
好多「家駒」呀! 這個情景就好似細個既時侯, 將所有歌星既海報貼滿成間房!
錄音帶你哋又見過未? 仲記得細細個好期待歌手大碟推出, 以前真係會推出第一日就賣哂!
連地下都貼滿Beyond的照片!
大家見証過Beyond五人組合的年代未?
除咗Beyond, 行到過嚟另一邊仲見到Batman同埋Superman...應該係早陣子電影的宣傳品
芊芊見到有個電話亭就走咗入去....一閂門就即刻好驚要出番嚟, 真係笑死人!
喺餐廳門口仲有個英雄聯盟Section! 又有隻Iron Man喺度!
周圍行完終於入嚟hmv Bar & Restaurant坐一坐喇! 餐廳都裝修得好靚
主調行英倫風但又有點法國味! 枱櫈欄杆都打造到有少許生锈效果, 充滿懷舊特式, 望上去既鐵喉同吊燈既鐵鏈都好有Heavey Metal味道
食物價錢都幾貴! 如果食個晏每人都要兩舊先可以行出呢個門口, 我同芊芊入去坐吓嘆個Tea
hmv Flagship 總共有四層, 最高層的餐廳可以望番落去下層, 極具空間感! (仲有隻狗仔企喺橫樑好盞鬼)
餐廳內有個特色大鐘好搶眼!
餐廳中央有個小舞台, 相信晚上呢度會變成一個小Band Show! TVwall播緊Beyond家駒以前的演唱會
餐廳內唔多人, 隨便都可以搵到位坐, 我哋坐咗喺靠近牆邊的卡位! 牆上掛滿Beyond的照片
唔知Beyond以前第五個成員今日做緊D乜嘢呢?
芊芊揀咗張好Colorful既小楷磚枱坐! 高度啱啱好, 可以食到嘢啦!
餐廳內其他位置!
我Order咗一份「朱古力布朗尼伴香蕉脆片雲呢拿雪榚」$88 (個名長到....都係叫英文好 "Chocolate Brownie Vanilla Gelato, Banana)
香蕉片酸酸甜甜又好脆! 芊芊好鍾意食, 雪榚高質素, 重雲呢拿味, 不過唔夠moviepick好食!
件Brownie Cake好濃朱古力味! 食落去暖暖哋, 配合埋嗒雪榚! 真係食完醒神哂
呢個期間限定飲品, 總共有三款「海闊天空」、「喜歡你」、「AMANI」!
其實三款都係VOKA!! 我就梗係揀番首金曲中既金曲「海闊天空」$88
賣相簡單, 藍色配合青檸既顏色幾好睇! 飲落.........醉了!
邊坐邊睇Beyond Show, 飲住杯「海闊天空」, 真係呢個下晝好舒服既享受! (有加一收費, 埋單$193)
Photo by CANON 5D Mark III, Len | EF 24-70mm f/2.8L USM
呀劍評語: 環境的確舒適! 下午時間人唔算多, 喺呢度同朋友飲杯嘢傾吓計真係好舒服! 如果同小朋友喺度嘆番件Cake都唔錯!
地址
銅鑼灣百德新街22-36號名珠城4樓
交通
港鐵銅鑼灣站 E 出口, 步行約2分鐘
交通
港鐵銅鑼灣站 E 出口, 步行約2分鐘
營業時間
星期日至四: 10:00-00:00 星期五及六: 10:00-02:00
電話
2504 1538
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。