【親子好去處】尖沙咀海上雄獅—羅馬海軍與龐貝古城 Mare Nostrum: Roman Navy and Pompeii @香港歷史博物館

「海上雄獅」呢個名我只會諗到成龍大哥又有新戲上，原來係歷史博物館最新嘅專題展覽

我哋先喺社企餐廳食個Lunch然後先出發！這家餐廳的價錢唔太貴，嘢食都相對唔太好食^>^

展覽係講述古羅馬如何由一個城邦發展成為稱霸地中海的羅馬帝國

但後來火山爆發，大量火山灰和碎屑摧毀龐貝等鄰近城鎮。

羅馬海軍從水路前往拯救災民，為歷史記載最早的營救行動之一，亦是羅馬航海史上重要的一章。

展覽旁邊有一些拓印給小朋友嘗試掃畫出一些歷史遺物的影像

當然唔少得火山啦，呢邊有個3D火山景像，兩個妹妹安然哋坐喺火山口，全冇危機意息，都唔入戲！

下面呢張就好好多啦，絕對有潛質做成龍接班人！浮誇到一睇就知道邊個係我對仔女！

嚟番呢邊認識吓古羅馬的一些風土人情！

呢邊有個工作坊去製作奧林匹克樹葉圈(我故且咁叫住先)

不過我哋撞唔啱時間所以就參加唔到

你哋兩個攪攪震，就連右上角個小朋友都睇唔過眼！

在外圍參觀咗一陣，終於要去到核心嘅內圍！

今日星期三專題展覽有半價優惠！3大1小都係$35($10+$10+$10+$5)

展覽都設有導賞站，可以有專人一路介紹講解，我建議大家都報名導賞團，因為我自己行真係唔清唔楚

仲有原來入到去係不準攝影，所以各位諗住嚟影歷史文物就要注意啦！再講多次係唔俾影相㗎！

裡面基本上以古物展覽為主，另外設有一個4D影院，大家帶上立體眼鏡後觀賞大銀幕

影片以古羅馬街景為題，同一個角度同一個鏡頭，由最頂盛時期演變到火山爆發後的頹垣敗瓦，幾逼真寫實！

最後唯有在外面專題展板度影番張相留念啦...(難得有個位影相成班友仔都唔合作，激死！)

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 7分

呀劍評語: 要識得欣常先會覺得值回票價！唔係太適合較細小朋友

海上雄獅—羅馬海軍與龐貝古城 簡介

香港作為世界巡迴展的首站，是次展覽展出從意大利羅馬、拿坡里及龐貝等地約十間博物館及文物保護機構借出約110件（套）珍貴展品。重點展品包括以黃金及寶石所製的首飾、銀器、雕像、大理石浮雕、海難船隻出土的文物，以及首度來港展出的龐貝古城罹難者遺骸模型等，配合豐富的多媒體節目及三維動畫，讓參觀者能認識古羅馬航海技術的發展，也可體驗維蘇威火山爆發的威力及災難結局。

地點

香港九龍尖沙咀漆咸道南100號

展覽廳開放時間
星期一、三至五 : 上午10時至下午6時
星期六、日及公眾假期 : 上午10時至晚上7時
聖誕前夕及農曆新年除夕 : 上午10時至下午5時
星期二（公眾假期除外）、農曆年初一及二休館

展覽日期
2016年6月8日 – 8月29日

票價
標準票 $10 優惠票 (適合於全日制學生、殘疾人士(及一名同行照料者)及60歲或以上高齡人士) $5 團體票 (20人或以上購標準票者)
$7 博物館通行(入場)證及周票持有人
免費逢星期三免費入場 (專題展覽或須另外收費)

專題展覽票價
入場費 (包括「香港故事」常設展覽) 逢星期一、四至日標準票價：港幣20元
優惠票價(適合於全日制學生、殘疾人士(及一名同行照料者)及60歲或以上高齡人士)：港幣10元
團體票價(20人或以上購標準票者)：港幣14元星期三半價優惠博物館通行證持有人免費入場

電話
2724 9042

電郵
[email protected]

網頁
http://hk.history.museum

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。