今次同班朋友嚟到土瓜灣打邊爐！雞煲大家就食得多，今日揀咗呢間「路邊煱」試吓佢個招牌蟹煱
入到店內裝修都算時尚，周圍菜式的介紹設計都幾靚！唔係求求其其影張相加D新細明體
好一句「火煱之家」如果成間店全用實木裝修，就真係好日本味重！
大概7點嚟到已經咁爆滿！
第一個環節就梗係落醬料！最開心就係好似稻香式咁勁多款任你揀任你落
先上咗個招牌花甲蟹煱($400)，真係唔係講笑，一上枱個香味就飄到埋咀，個賣相都幾靚，有半隻蟹浮咗上面
我第一個唔客氣將成個蟹殻拎番自己隻碟度，嘩D蟹膏成大舊好香好好食
花甲就唔係好大隻，不過因為咁多料喺個煲裡面，所以個湯鮮甜到冇得嘆
招牌肥牛拼盤($368) 有齊牛頸脊、牛胸爽、牛脷托、和牛粒、肉眼邊、金錢𦟌
我最喜愛呢個金錢𦟌，食落好似和牛咁入口即化！查實佢係牛嘅邊個部位
牛胸爽就感覺怪怪，你話食牛肉食到白色都幾得意，佢食落少少爽同時都少少"un"，似去食邊腩河個「根邊」咁，我本人就覺得麻麻地，不過有新嘢試吓都ok嘅！
大隻廣島蠔好吸引，如果係生食就正！用蠔打邊爐我覺得都唔係太好食！不過Friend叫到冇計
呢盆基圍蝦($68)先抵，一盆九隻，圍番都係$8多D！不過好攪笑我覺得佢好似刨冰
之後再叫D鵝腸同四寶丸！味道不錯，鵝腸唔會太肥仲好爽，四寶丸都好新鮮堅手打
Photo by CANON 5D Mark III, Len | EF 24-70mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2
呀劍評分: 9分
呀劍評語: 整體食物質素高評價，花甲蟹煱同牛拼盤真係堅好食，其他配菜好似水餃，冬瓜等菜又唔算貴！
地址
土瓜灣美景街11至13號地舖
營業時間
星期一至日: 18:00-00:00
電話
2634 6822
付款方式
Visa, Master或現金
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。