【親子好去處】屯門 SANRIO CHARACTERS 塗氣競技場 @屯門巿廣場 tmtplaza

今個暑假屯門巿廣場有Sanrio總動員出場！可以喺度同至愛嘅Kitty蛋黃哥影靚相

今日去屯門大會堂睇畫劇，經過開tmtplaza俾我哋撞見Sanrio家族！

傳聞有幾大影相靚位，我哋都試吓逐個逐個搵嚟影吓，嚟個快閃！

最亮點係入場之後的Sanrio卡通蠟筆場景啦！如果一班小朋友嚟到可以一人一支，肯定影出嚟好靚！

超懷念Tuxedo Sam呢隻企鵝，仲記得細個都唔知佢乜水嘅時侯就係用佢水壺番學

哥哥唔知幾時開始認識布甸狗，一見到就話要同佢影相，不過好可惜佢哋全部都被圍住了

呢個彩虹倒轉大口仔都好得意...不過又係圍欄破壞哂成張相

哥哥同芊芊一齊鬥數吓有幾多隻Sanrio人物係認識嘅！

當然唔少得要同Hello Kitty影番張相啦

大家都爭住喺主舞台影相，排哂長龍，我快閃就唔想排隊lu

花最多時間玩喺呢個「七彩木顏色筆陣」兩個嘢喺度玩伏匿匿玩到唔捨得走

芊芊每次倒數都唔會瞌埋對眼

哥哥玩完再玩話唔想走...

芊芊一路數緊哥哥就諗住喺佢數完之後嚇佢...有妹妹真係好，有得俾佢蝦！

古靈精怪咁影相！芊芊話佢鍾意藍色所以揀咗支藍色木顏色筆，哥哥為咗就佢就是但揀支黃色筆，真係算唔話得！

呢條七彩樓梯又係封住咗！(咁其實你想點啫？)

呢個算係場內第二大影相靚位～Little Twin Stars星形水彩盤

本應可以從後面穿個上半身過嚟同Twin Stars影！不過我哋就咁喺前面影就算lu (又係圍欄 x3)

圍欄 x4

好在呢個蛋黃哥冇欄住！

呢度仲有個小籃球俾人投籃，不過限定時間內同埋要滿消費限額先有得玩

場內仲有精品店，我梗係唔敢入去啦！入咗去仲駛出番嚟嘅

唔知大家有冇留意到，原來主舞台的透明地下都見到其他顏色蠟筆喎！

都話快閃囉...影完走人

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 7分

呀劍評語: Sanrio可算係陪住好多七八十後小學時期嘅男仔女仔，無論筆盒文具到水壺書包都好多時會用佢，今日經過懷緬吓我最愛嘅企鵝仔都好開心

SANRIO CHARACTERS 塗氣競技場 簡介

今個暑假，Sanrio一眾大熱角色將換上全新運動裝，齊齊登陸屯門市廣場的「Sanrio Characters塗氣競技場」，以最佳狀態迎接炎炎夏日！

塗氣互動遊戲(踫踫球競賽/投籃競賽)
日期：2016年7月23日至8月31日
時間：星期一至五：3pm-7pm；
星期六、日：12pm-9pm
參加方法：於商場消費滿$100即可參加
除了限量版文件夾，今次商場亦推出了旅行萬用袋以及防水袋，不過就要分別以電子消費$1,500及$2,000方可換領。

地點

新界屯門屯順街 1 號

展覽日期
7月18日至8月31日

電話
2450 7782

網頁
http://www.tmtp.com.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。