鮮搾果汁你一定飲得多，但係外國潮流最興嘅Detox Water你又飲過未呢？
今日有機會去開銅鑼灣，天氣熱到HighHigh，經過一家果汁店睇吓有咩飲先？
小店叫"Y-Drink"，個名幾得意！點解要飲嘢，原因咪就係口渴囉！香港人成日都講食好西，其實我哋好似對飲又冇乜所謂，所以我哋都要重新定義一下飲料！
店主介紹我幾隻特別嘅飲品，起初唔講仲以為係攞設，店主話呢個係喺外國流行咗好耐嘅一種飲料叫Detox Water
店主利用唔同顏色同埋水果唔同特性，組合出又靚又健康的飲品！
唔好以為喺銅鑼灣就一定好貴，其實價錢都只不過三十幾蚊(其他沙冰果汁都係廿幾蚊咋)
不過一陣先再介紹，因為兩個小朋友就話好想試吓做沙冰，所以店主又俾咗佢哋入去攪攪震
兩個細路阻住人哋做生意，好在當時唔算好旺，所以店主都俾佢哋試吓將切好嘅生果同冰放入攪拌機打碎！
芊芊望住攪拌機又驚又覺得好新奇！
喺佢哋整緊沙冰之際，我就試吓鎮店之寶Detox Water
打開雪櫃揀咗一樽橙色靚靚嘅Detox Water，發現唔係太凍，原來Detox Water係唔可以存放喺太凍嘅溫度裡面，通常係加D蜂蜜水或者係梳打水，預早讓水果可以發酵，更能發揮水果特有的功能
我呢杯係芒果，橙+西柚，可以美肌消脂同埋增強免疫力，另外仲有...
Yellow Detox(菠蘿+奇異果+檸檬) = 可以消脂同埋增強精神體力
Green Detox(蜜瓜+青瓜+青檸) = 可以補濕消濟同埋解便
Red Detox(西瓜+士多啤梨+火龍果) = 可以美肌消腫同埋增強體力，最啱女士們！
老實講，飲起上嚟一定唔夠沙冰或冰凍果汁咁解渴，但係Detox Water原本就唔係要Sell呢樣
味道好多層味，經過蜂蜜水加上發酵，將味道提升咗，而且仲有果肉食，邊食邊飲！
今日飲咗一杯都已經覺得成個人好Fresh，相信如果Keep住飲，至少兩個星期都一定會見到成效
放埋哂一齊真係唔飲得都睇得！
貪玩越幫越忙嘅兩個細路，又走咗入去幫手整多一杯嚟飲！其他沙冰果汁都好好飲值得推介
Photo by CANON 5D Mark III, Len | EF 24-70mm f/2.8L USM
呀劍評語: Detox Water一種健康飲品，雖然未及沙冰及鮮搾果汁咁解渴，但係勝在夠健康夠気Kenki!
地址
銅鑼灣 耀華街2號
營業時間
星期一至五08:00-19:00
星期六至日11:00-20:00
星期一至五08:00-19:00
星期六至日11:00-20:00
電話
5115 7213
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。