《藍神秀 澳門站》係第二次被威尼斯人酒店邀請去欣賞嘅Show！當然以為呢3個人奇奇怪怪唔方會好睇，但係原來有太多驚喜啦！好睇到兩個小朋友一路話要再睇多次
我哋睇Show前去咗呢間米芝蓮一星餐廳「皇雀印度餐廳」
其實一路都擔心唔啱小朋友食，但係見佢係米芝蓮一星，所以就試吓，最多如果真係唔啱食，就到時叫幾塊印度薄餅俾佢哋食飽佢
所以話米芝蓮效應對我嚟講真係有影響，哈哈哈！
店內裝修真係五星級，周圍都見到孔雀圖案！
古靈精怪兩兄妹，媽咪一邊諗緊食咩好冇嘢做就喺度扮怪樣！
先嚟點餐前小吃，媽咪好鍾意食呢隻薄餅，有3種唔同醬料去點嚟食
然後再嚟杯青檸梳打同芒果奶昔！
然後嚟咗個雜錦串燒，有烤雞，豬肉丸同埋咖喱蝦，侍應好細心問咗我哋駛唔駛走辣(當然係用英文啦)
最後因為調味料一早醃的關係走完辣都仲有少少Spicy，跟住侍應教我哋可以點下碟上嘅Cream，果然佢哋真係食到入口唔覺得辣，我覺得真係好貼心服務
呢兩味咖喱雞同雜菜都好好味，當然如果係好辣嘅會仲正，但係為咗小朋友食到冇辦法啦
走唔甩梗係有印度薄餅啦，係媽咪最鍾意食嘅！佢有成7-8款唔同嘅薄餅，真係好想食勻哂
最後俾佢哋兩個食哂D薄餅，真係唔夠食，所以再叫多一款蕎麥燒餅！
食完之後我哋就去威尼斯人劇場見「藍神」囉！
估唔到佢哋兩個仲開心過我，特別起初以為芊芊見到佢會好驚！
因為同樣唔可以再場內拍攝，所以唯有同場外大特寫影番張相，然後再配合官方幾張相同大家介紹一下
唔知大家估唔估到，其實成場Show都係冇對白冇人講嘢㗎！
佢哋演譯得好攪笑好幽默，其實我自己覺得佢哋有D似天使得得B，唯一分別係佢哋有超勁嘅敲擊技術！同埋有好多場表演都係用顏色嚟表達，今成場Show都充滿色彩
三個藍神單單玩呢條可伸縮水管，已經好攪笑同敲出好有Bit的音樂表演
敲擊呢排大水管嘅時侯都係最矚目，估唔到唔同水管配合出嚟可以演奏所有音符！
最後仲將水管著上身，再配合電子科技令每條水管都可以發出唔同顏色效果，真係一個集聽覺視覺娛樂一身的表演
跟住又拎iPhone元素嚟玩，雖然條Q有D舊，不過最緊要受！佢哋都做得幾攪笑
其實最特別同印像深刻就係幾次嘅即興表演，例如佢喺開場二十分鐘之後，有朋友遲到入場，即係用攝影機影住佢哋播放喺台上面，真係超惹笑！
之後有兩個即興同觀眾互動的表演，都十分利害！(真係要留番大家自己入場睇)
其實我好驚佢會捉我上台....滴哂汗
去到最尾仲有Party效果，千人企哂起身全場傳波波，攪到大人細路都HighHigh!
跟住番去酒店房，兩個繼續玩玩玩，見到房裡面有部Wii，同埋Sport Resort Game，我開咗個保齡球Game俾佢哋，放肆一晚俾佢哋夜少少瞓啦！
我睇住佢玩真係好擔心會掉爛部電視機
哥哥話咗俾大家知咩叫有姿勢冇實際！相反...
芊芊斯斯文文一樣可以打到全中！
佢個波慢慢碌都碌咗個全中番嚟，開心到佢個樣！
佢哋打機咁我哋做緊咩，咪叫咗Room Service準備食宵夜囉！哈哈～
Photo by CANON 5D Mark III, Len | EF 24-70mm f2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 《藍神秀 澳門站》真係超出我預期好睇，起初真係覺得幾個藍色人好奇怪，應該會好悶唔知佢哋做咩，但係佢哋混合好多元素，音樂、默劇、喜劇、科學等等，創造了一個超精采冇悶場嘅演出，萬分推介俾所有家庭朋友！
《藍神秀 澳門站》 簡介
地點
《藍神秀 澳門站》 簡介
BLUE MAN GROUP「藍神秀」集喜劇、舞台劇、搖滾演唱會及跳舞派對於一身。勇於嘗試的BLUE MAN GROUP「藍神秀」在表演上運用大量創意元素，結合科學、喜劇、音樂及鮮明奪目的視覺效果，同時配上令人振奮的音樂、目不暇給的特技、懾人的現場樂隊和標誌性的觀眾互動體驗，讓觀眾感受親歷其境的視聽體驗。25年來，BLUE MAN GROUP「藍神秀」已走訪15個國家，超過3,500萬名觀眾欣賞過「藍神秀」的演出。
威尼斯人劇場
演出日期
2016年8月11日至8月28日
演出時間
晚上8時（逢星期二至五）
下午5時及8時（逢星期六）
下午2時及5時（逢星期日）
附注：星期一不作任何演出
票價
澳門幣 / 港幣880元（A區）
澳門幣 / 港幣680元（B區）
澳門幣 / 港幣380元（C區）
船票套票：觀眾可另加澳門幣/港幣108元購買包括金光飛航往返港澳雙程船票的套票
*C區門票不適用
酒店套票 由澳門幣/港幣2,098++起
金沙會員專享優惠／金沙會員專享優惠
可享85折優惠
電話
澳門：+853 2882 8818
香港：+852 6333 6660
中國大陸：4001 20 6618
電郵
[email protected]
網頁
[email protected]
訂票
www.cotaiticketing.com
演出日期
2016年8月11日至8月28日
演出時間
晚上8時（逢星期二至五）
下午5時及8時（逢星期六）
下午2時及5時（逢星期日）
附注：星期一不作任何演出
票價
澳門幣 / 港幣880元（A區）
澳門幣 / 港幣680元（B區）
澳門幣 / 港幣380元（C區）
船票套票：觀眾可另加澳門幣/港幣108元購買包括金光飛航往返港澳雙程船票的套票
*C區門票不適用
酒店套票 由澳門幣/港幣2,098++起
金沙會員專享優惠／金沙會員專享優惠
可享85折優惠
電話
澳門：+853 2882 8818
香港：+852 6333 6660
中國大陸：4001 20 6618
電郵
[email protected]
網頁
[email protected]
訂票
www.cotaiticketing.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。